Tórtinshi týrdyń ortalyq oıyny Pavlodarda ótti. Jergilikti «Ertis» komandasy byltyrǵy el chempıondary «Astanany» óz alańynda qabyldap, jankúıerleriniń aldynda 1:6 esebimen tas-talqan bolyp jeńildi. Atalǵan kezdesýde elorda komandasynyń jas fýtbolshysy Baqtıer Zaınýtdınov het-trık jasasa, 65-mınýtta Roman Murtazaev esepti eseledi. «Astananyń» taǵy bir jas talanty Iýrıı Persýh 70-mınýtta komandasynyń besinshi golyn saldy. Premer-lıga boıynsha naýryz aıynyń eń úzdik fýtbolshysy Marın Tomasov oıyndaǵy altynshy goldy qaqpaǵa toǵytty. Al alań ıelerinen Gabrıel Ernandes 90-mınýtta qonaqtarǵa bir golmen jaýap berdi.
Bul týrdyń eń tartysty oıyny Qostanaıda «Tobyl» men əli jeńis dəmin tatpaǵan «Atyraý» arasynda ótken bolatyn. Matchqa deıin fýtbol mamandary «Tobyl» klýbyna úsh upaıdy ońaı bere salǵan edi. Alaıda munaıly ólkeniń fýtbolshylary Qostanaıǵa jeńilis úshin kelmegenin baıqatty. Tipti, birinshi taım qorytyndysy boıynsha «Atyraý» 1:2 esebimen jeńip turǵan. Degenmen, oıynnyń ekinshi bóliginde alań ıeleri basymdyqty arttyryp, qarsylastarynyń qaqpasyna 2 gol soqty. Qorytyndy esep – 3:2.
О́tken týrda «Aqtóbemen» teń oınaǵan almatynyń «Qaıraty» bul týrda «Aqjaıyqty» 3:0 esebimen jeńdi. Əzirge Almatynyń komandasy úshinshi orynda keledi. Al Shymkenttiń «Ordabasy» osy týrda da jeńiske jetip, 12 upaımen kósh basyndaǵy «Astanamen» ıyq tiresip keledi. «Ordabasy» – «Aqtóbe» 3:1.
Kósh sońynda kele jatqan «Qyzyljardy» óz alańynda 2:1 esebimen jeńgen qaraǵandynyń «Shahteri» týrnır kestesinde besinshi orynǵa kóterilip aldy. Al Taldyqorǵanda ótken machta «Jetisý» Qyzylordanyń «Qaısaryn» 1:0 esebimen jeńip, mańyzdy úsh upaıyna qol jetkizdi.
Tórtinshi týrdyń oıyndary mynadaı nətıjelermen aıaqtaldy:
«Jetisý» – «Qaısar» – 1:0 (1:0), Djalılov Raýl, 24 (1:0). «Ertis» – «Astana» – 1:6 (0:1). Baqtıer Zaınýtdınov, 39 (0:1), Baqtıer Zaınýtdınov 50 (0:2), Baqtıer Zaınýtdınov 61 (0:3), Roman Murtazaev 65 (0:4), Iýrıı Persýh 70 (0:5), Marın Tomasov 88 (0:6), Gabrıel Ernandes – 90 (1:6). «Tobyl» – «Atyraý» – 3:2 (1:2). Anton Shınder, 22 (1:0), Marat Haırýllın, 27 (1:1), Neın Djozef, 40 (1:2), Anton Shınder, 64 (2:2), Djaba Kankava, 68 (3:2). «Shahter – «Qyzyljar» – 2:1 (2:0). Damır Koıashevıch, 5 (1:0), Aleksandr Mıgýnov, 9 (2:0), Bratıslav Pýnoshevas, 90+1 (2:1). «Qaırat» – «Aqjaıyq» – 3:0 (2:0). Isael Barbosa, 19 (1:0), Ýgo Sılveıra, 33 (2:0), Georgıı Jýkov, 81 (3:0). «Ordabasy» – «Aqtóbe» – 3:1 (2:1). Temirlan Erlanov, 14 (1:0), Tımýr Dosmaǵambetov, 17 (2:0), Hrvoe Mılıshevıch, 44 (2:1), Ivan Nagaev, 66 (3:1).
Tórtinshi týrdyń qysqasha statıstıkalyq nátıjeleri mynadaı:
Tórtinshi týrdyń alty oıynyn tamashalaýǵa – 20 100 kórermen keldi. Úshinshi týrda 14 900 jankúıer kelgen-di. Eń kóp jankúıer «Qaırat» – «Aqjaıyq» matchynda jınaldy. 7 100 jankúıer. Al eń az jankúıer «Jetisý» – «Qaısar» oıynyna keldi. 800 adam.
Tórtinshi týrdyń alty oıynynda – 23 gol soǵyldy. Eń kóp gol «Ertis» – «Astana» matchynda soǵyldy. 7 gol. Eń az gol «Jetisý» – «Qaısar» oıynynda soǵyldy. 1 gol. Bul týrda teń esep tirkelmedi.
Tórtinshi týrdyń alty oıynynda fýtbolshylarǵa – 18 sary qaǵaz kórsetildi. Eń kóp sary qaǵaz – «Qyzyljar» klýbynyń fýtbolshylaryna berildi – 4.
Tórtinshi týrda premer-lıgadaǵy eń birinshi het-trık (bir oıynshy 3 gol soqty) tirkeldi. Avtory – Baqtıer Zaınýtdınov («Astana»).
Tórtinshi týrdan keıin – eki fýtbolshy 3 golmen mergender kóshin bastady. Olar: Isael Da Sılva Barbosa («Qaırat») jáne Baqtıer Zaınýtdınov («Astana»).
Səýirdiń 14-i kúni ótetin besinshi týrda myna komandalar ózara oınaıdy: «Aqjaıyq» – «Ordabasy», «Aqtóbe» – «Tobyl», «Astana» – Qaırat», «Atyraý» – «Shahter», «Qaısar» – «Ertis», «Qyzyljar» – «Jetisý».
Týrnır kestesi
(14 sáýirge deıingi jaǵdaı)
Álı BITО́RE,
«Egemen Qazaqstan»
