Merekede orys halqynyń ulttyq oıyndary oınaldy. «Istokı» hory men «Bratsy» vokaldy ınstrýmentaldy ansambliniń oryndaýynda án-jyrlar shyrqaldy. Dostyq úıiniń dırektory Berik Kópbaev barlyq hrıstıandardy, pravoslav hrıstıandary men katolıkterdi Pasha merekesimen quttyqtady. Ol óz quttyqtaýynda bul qasıetti merekeniń pravoslav, katolık hrıstandary úshin ǵana emes, Semeıdiń barlyq turǵyndary úshin óte mańyzdy, dedi.
- Pasha – ǵajaıyp mereke bolǵandyqtan osynda Orys ulttyq mádenı ortalyǵynyń shaqyrýtýymen tátti-dámdilerimdi alyp keldim,-dedi semeılik turǵyn Irına Dolgıh,-bala kezimnen bul kúni biz tort, bálish pisirip, jumyrtqa boıaıtynbyz. Biz Qazaqstan halqy tek yntymaqta ómir súrýimiz kerek. Osy Pasha ǵana emes, Rojdestvo men Qurban aıtty, Naýryzdy da únemi barlyq ult birlesip ótkizemiz. Pasha merekesinde balalar sýret salyp jarysty. Túrli sporttyq oıyndarmen synǵa tústi. Nemis ulttyq mádenı ortalyǵynyń «Aınhaıt» ansambliniń konserttik baǵdarlamasyn tamashalady.
Raýshan Nuǵmanbekova,
sýretter avtordyki
Semeı
