Parlament Senaty Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Georgıı Kım Qaraǵandy oblystyq ishki ister departamentiniń basshylyǵy jáne jeke quramymen kezdesti. Senator polısııa qyzmetkerlerine Memleket basshysynyń bastamalaryn júzege asyrý tetikteri jaıynda aqparat berdi. Sonymen qatar Senattyń zań shyǵarý qyzmetinen habardar etti.
Osy oraıda oblystyq ishki ister departamentiniń bastyǵy Mergenbaı Japparov Prezıdenttik bastamalarda kóterilgen jeńildetilgen ıpotekalyq nesıeler ishki ister organdary qyzmetkerleri úshin aıtýly jańalyq bolǵandyǵyn atap ótti. О́ıtkeni polıseıler arasynda baspanaǵa zárý qyzmetkerler jetkilikti.
Sondaı-aq senatorlar Georgıı Kım, Sáýle Aıtpaeva jáne Dýlat Qusdáýletov oblystyń Osakarov aýdanynda bolyp, jergilikti aktıvpen, aýdandyq máslıhat depýtattarymen, prokýratýra, sot jáne ózge de quqyq qorǵaý organdarynyń ókilderimen kezdesti.
* * *
Almatyda senatorlar Dınar Nóketaeva men Nurjan Nursıpatov «Qazaqstan temirjoly» aksıonerlik qoǵamynyń lokomotıv deposy men basqa da bólimsheleri qyzmetkerleriniń aldynda ár otbasyna turǵyn úı satyp alýdyń jańa múmkindikteri, eńbekaqysy tómen adamdar úshin salyq aýyrtpalyǵynyń azaıtylýy, sondaı-aq joǵary bilim alýdaǵy jeńildikter men stýdenttik jataqhanalardyń salynýyna baılanysty keńinen áńgimelep berdi.
Depýtat N.Nursıpatov temirjolshylardy shaǵyn nesıe berý kóleminiń artýy men elimizdiń ortalyq jáne soltústik óńirlerin gazben qamtamasyz etýdiń keleshegi jaıynda habardar etti. Kezdesýge Májilis depýtaty Shaımardan Nurymov ta qatysty.
* * *
Senat depýtattary Erbolat Muqaev pen Narıman Tóreǵalıev Oral gaz, munaı jáne salalyq tehnologııalar kolledjinde boldy.
Qazir bul oqý ornyndaǵy 2400 oqýshynyń basym bóligi shalǵaı aýyldardan kelip oqıdy. Sondyqtan olar úshin baspana máselesi mańyzdy bolǵandyqtan, Prezıdenttiń bastamasyna saı jataqhana salý josparlanyp otyr.
– Biz Elbasynyń bes áleýmettik bastamasyn iske asyrýǵa bar kúsh-jigerimizdi salýymyz kerek. Sol kezde bul másele tolyqtaı sheshiledi dep senemin, – dedi N.Tóreǵalıev.
Senatorlar elimizde bilikti mamandarǵa suranys joǵary ekenin, sondyqtan memleket tarapynan jastarǵa qosymsha granttar bólinetinin aıtty.
* * *
Parlament Senatynyń depýtaty Sergeı Ershov Temirtaý joǵary polıtehnıkalyq kolledji stýdentterimen jáne oqytýshylarymen kezdesti.
Ol stýdentterge Memleket basshysynyń bes áleýmettik bastamasynyń mán-mańyzyn jan-jaqty túsindirip, qoıylǵan saýaldarǵa jaýap berdi.
Sharaǵa qatysýshylar kolledj túlekterin jumysqa ornalastyrý, qajet mamandar derekteri engiziletin biryńǵaı baza qurý, oqytýshylardyń biliktilik dárejelerine jáne tájirıbelik jumystaryna qosymsha aqy tóleý máselelerine de nazar aýdardy. Stýdentter men muǵalimder Temirtaý qalasynyń ekologııasyna baılanysty ózekti máselelerge alańdaýshylyq bildirdi.
Senator bul máseleni sheshý úshin jumys tobyn qurýdy usyndy.
* * *
Májilis depýtattary, «Nur Otan» partııasy fraksııasynyń músheleri Soltústik Qazaqstan oblysyna jumys sapary aıasynda Aqqaıyń, Qyzyljar jáne Mamlıýt aýdandaryna bardy. Halyqpen kezdesýlerde májilismender Prezıdenttiń bes áleýmettik bastamalary týraly aıtyp, aýyl turǵyndarynyń saýaldaryna jaýap berdi, sondaı-aq birqatar kásiporyndardyń jumysymen tanysty.
Atap aıtqanda, Aızada Qurmanova jáne Aıgúl Nurkına Qyzyljar aýdanyna sapary barysynda «Zenchenko jáne K» kommandıttik seriktestiginiń ujymymen kezdesti. Kásiporyn et jáne sút ónimderin óndirýge jáne satýǵa mamandanǵan ári asyl tuqymdy mal sharýashylyǵymen de aınalysady.
Al Mamlıýt aýdany Voskresenovka selosynda depýtattar Svetlana Bychkova jáne Jámılá Nurmanbetova aýdannyń birqatar shaǵyn jınaqty mektepterin biriktiretin resýrstyq ortalyqqa bardy, sondaı-aq pedagogıkalyq ujymymen kezdesip, bilim berýdi damytý jáne bes áleýmettik bastamalardy iske asyrý máselelerin talqylady.
Sonymen qatar kezdesýge qatysýshylar qosymsha bólinetin granttar esebinen bilim berýdiń sapasyn jaqsartý jaıyna da toqtaldy. Budan basqa, elimizde salynatyn 75 myń oryndyq jataqhananyń 2300-i Soltústik Qazaqstan oblysynda boı kóteretindigi belgili boldy.
Aqqaıyń aýdanynda depýtattar Qanat Mýsın men Aleksandr Sýslov jergilikti aýyl sharýashylyǵy taýaryn óndirýshilerimen shaǵyn nesıelendirý máselelerin talqylady. Kezdesýde olar aýyl kásipkerligin damytýdyń mańyzdylyǵy týraly aıtty. Sondaı-aq Qııaly agrarlyq kolledjiniń jumysymen tanysty.
* * *
Al Májilis depýtattary Baqytgúl Hamenova, Irına Ýnjakova, Taras Hıtýov pen Gennadıı Shıpovskıh Mańǵystaý aýdanynyń Shetpe kentinde ornalasqan «Kaspıı Sement» zaýyty ujymymen kezdesti. Bul zaýyt nemis tehnologııasy boıynsha «Haıdelberg» markasymen sement shyǵarady. Ol – óndiris kezinde qurǵaq bor paıdalanatyn álemdegi alǵashqy zaýyttardyń biri. О́ndiristik qýaty jylyna 800 myń tonnany quraıdy. «Kaspıı Sement» zaýyty aımaqtyń ekonomıkalyq damýyna úlken úles qosyp keledi. Jergilikti turǵyndardyń 60 paıyzy osynda jumys isteıdi.
Kezdesýde jumysshylar depýtattarǵa ózderin tolǵandyrǵan suraqtardy qoıyp, pikir almasty.
* * *
Májilistegi «Halyq kommýnısteri» fraksııasynyń múshesi Turǵyn Syzdyqov Astana qalasynda IIM tótenshe jaǵdaılar departamenti ujymymen kezdesti.
Depýtat órt sóndirý bóliminiń qazirgi tynys-tirshiligimen tanysyp, zamanaýı tehnıkalyq qondyrǵylarǵa nazar aýdardy. Qurylymnyń jeke quramymen kezdesý barysynda Elbasynyń bes áleýmettik bastama áńgimege arqaý boldy.
Sonymen qatar tehnıkalyq jaraqtandyrý men qyzmetkerlerdiń áleýmettik jaǵdaıyn jaqsartý taqyryby da nazardan tys qalmady.
