Qazaqstan • 09 Sáýir, 2018

Qaraǵandylyqtar endi ala jazdaı hokkeı oınap, konkı tebedi

405 ret
kórsetildi
1 mın
oqý úshin

Kóktem kelip, aınala aǵyl-tegil erip jatqanda, Qaraǵandyda muz qatyry­lyp, shybyn taıyp jyǵy­lar aıdyn paıda boldy.

Qaraǵandylyqtar endi ala jazdaı hokkeı oınap, konkı tebedi

Kenshiler astanasynda jańa­dan boı kótergen bul sport nysa­nynda endi hokkeıshiler ala jaz­daı shaıba qýyp, mánerlep syr­ǵanaýshylar muz ústinde bı bılep, bylaıǵy jurt aıaǵyna konkı baılap, syrǵanaq tebetin boldy.

Mamandar atalǵan muz aıdyny balalar men áýesqoı hokkeı klýbtary úshin hokkeı oıynyn qoljetimdi etip, óńirde sporttyń osy túriniń keńinen etek jaıýyna ıgi áserin tıgizedi dep senimmen aıtyp otyr. Budan bólek, sport nysany muzda mánerlep syrǵanaý jáne short-trek syndy sport túrlerimen de aınalysýǵa mol múmkindik beredi.

«Dosjan» sport saraıynyń ashylý saltanatynda aıdyn­ǵa balǵyn mánerlep syrǵanaý­shylar shyǵyp, jańadan quıyl­ǵan kók muz ústinde alǵash­qylardyń biri bolyp óner kórsetti.

Sport saraıyndaǵy muzdy quıý, onyń ústin tazalaý ju­mys­taryn elektr dvıgateldi ekologııalyq kombaın atqaratyn bolady.

Qaırat ÁBILDA,

«Egemen Qazaqstan»

QARAǴANDY