Oblystyq ákimdiktiń habarynsha, munaı óńdeý jáne munaı-hımııa salasy boıynsha óńirler arasynda eki jaqty qarym-qatynas ornatýdyń joldary qarastyryldy. Bizdiń oblystan barǵan delegasııa Túmen oblysynyń ınfraqurylymyn damytý agenttiginde Tehnopark, IT-park, bıznes-ınkýbator jumystarymen tanysty. Antıpın munaı óńdeý jáne «Elektrostal Tıýmenı» metall zaýyttaryn aralady.
Túmende óndiriletin benzındi óńirge jetkizý jaıy aıtyldy. Kásiporyn jylyna 9 mıllıon tonna munaı óndiredi. Zaýyt mamandary munaıdyń qalaı óńdeletinin tanystyrdy. S.Toraıǵyrov atyndaǵy memlekettik ýnıversıtet pen Túmenniń memlekettik ýnıversıtetimen, munaı-gaz ýnıversıtetimen, bıotehnologııa jáne veterınarlyq medısına ınstıtýtymen jańa jobalardy júzege asyrý jaıynda kelissózder júrgizdi. «Túmen sút fermalary» kásiporyndarynda jáne «Iýbıleınyı» agroholdınginde bolyp, olardyń tájirıbesimen tanysty.
Túmen men oblys arasyndaǵy syrtqy saýda kólemi 1,4 mln. AQSh dollary jetken. О́ıtkeni, saýda-ekonomıkalyq yntymaqtastyqty damytýǵa resmı jáne iskerlik ortanyń óńiraralyq osyndaı kezdesýleriniń múmkindigi mol. Sapar sońynda oblys delegasııasy Túmen oblysy qazaqtarynyń Ulttyq-mádenı avtonomııasy ókilderimen kezdesti.
Farıda Byqaı
«Egemen Qazaqstan»
Pavlodar
Sýretti túsirgen: Valerıı Býgaev
