«Oblys ákiminiń orynbasary Baýyrjan Saldaruly Jamalov basqa jumysqa aýysýyna baılanysty, búgin oblys ákiminiń orynbasary laýazymyna Erbol Qýanyshuly Tasjúrekov taǵaıyndalyp otyr. Al, Baýyrjan Saldaruly ózine júktelgen salaǵa jetekshilik etý barysynda birqatar jaqsy bastamalar, oń ózgerister engizdi, olar aldaǵy ýaqytta jalǵasyn tabatyn bolady. О́z atymnan jáne áriptesterimniń atynan alǵys bildiremin. Endi Erbol Qýanyshuly osy baǵyttaǵy jumystardy jalǵastyra otyryp, óziniń biliktiligi men iskerligin dáleldep óńir ekonomıkasynyń damýyna úlesin qosady dep senim bildiremin», dedi J.Túımebaev.
Erbol Qýanyshuly 1979 jyly Jambyl oblysynda dúnıege kelgen. Bilimi joǵary, mamandyǵy boıynsha biliktiligi - ekonomıst, zańger, memlekettik jáne jergilikti basqarý magıstri. Ol M.H. Dýlatı atyndaǵy Taraz memlekettik ýnıversıtetiniń, Q.A. Iаssaýı atyndaǵy Halyqaralyq Kazaq-Túrik ýnıversıtetiniń, QR Prezıdenti janyndaǵy Memlekettik basqarý akademııasynyń túlegi bolyp tabylady. Sonymen qatar, «Bolashaq» halyqaralyq baǵdarlamasynyń stıpendıaty, Fransııa Respýblıkasynyń Ulttyq ákimshiliktendirý mektebin bitirgen.
E.Tasjúrekov 1998-2001 jyldary «Qaznur» jaýapkershiligi shekteýli seriktestiginiń menedjeri retinde eńbek jolyn bastap, keıin «Sedanko-Qazaqstan» jaýapkershiligi shekteýli seriktestigi bas dırektorynyń orynbasary, «Profıl-Lux» jaýapkershiligi shekteýli seriktestiginiń dırektory bolyp eńbek etken.
2007-2013 jyldary Astana qalasynyń №2 Almaty aýdandyq sotynyń mamany, Astana qalalyq sotynyń bas mamany, Astana qalasy sotynyń keńse meńgerýshisi laýazymdarynda bolǵan.
2013-2016 jyldary QR О́ńirlik damytý mınıstrligi Kásipkerlik saıasatyn damytý departamenti basqarmasynyń basshysy, О́ńirlerdi monıtorıngileý jáne baǵalaý departamenti basqarmasynyń basshysy, Ulttyq ekonomıka mınıstrliginiń О́ńiraralyq yntymaqtastyq, taldaý jáne óńirlerdi baǵalaý departamenti dırektorynyń orynbasary qyzmetin atqarǵan.
2016 jyldyń qarasha aıynan bastap búgingi kúnge deıin QR Investısııalar jáne damý mınıstrliginiń Investısııalar jónindegi komıteti tóraǵasynyń orynbasary laýazymynda eńbek etip kelgen.
