О́tken jyly «Bıznestiń jol kartasy 2020» baǵdarlamasymen 499 jobaǵa qoldaý kórsetilse, «Nátıjeli jumyspen qamtý jáne jappaı kásipkerlikti damytý 2017-2021 jyldarǵa arnalǵan baǵdarlamasynyń» ekinshi baǵyty aıasynda 911 kásipkerge 4,1 mlrd.tg kóleminde shaǵyn nesıe berilgen. Al «Bastaý bıznes» jobasy boıynsha 1 500 adam oqýdan ótken, onyń ishinde 300-i óz kásibin bastady. О́ńirlik qarjy ınstıtýttary - «Ońtústik» Aımaqtyq ınvestısııalyq ortalyq jáne «Yrys» MQU arqyly 2017 jyly 8,3 mlrd. teńgege 2 342 jobaǵa qarjylaı qoldaý kórsetilip, nátıjesinde 4 618 jańa jumys oryndary ashylǵan. Degenmen, ońtústikke kórshi elden ákelinetin taýarlar kóbeıgen. Mysaly, azyq-túlik, hımııalyq, toqyma ónimderi, kilem, aıaq kıim, tyńaıtqysh ımporty artqan.
Bul derekter Ońtústik Qazaqstan oblysyna jumys saparymen kelgen «Atameken» UKP Tóralqa tóraǵasy Tımýr Qulybaevtyń qatysýymen ótken Kásipkerler palatasynyń aımaqtyq keńesiniń keńeıtilgen otyrysynda keltirildi. Otyrysta, óziniń básekege qabiletti ónimi bar О́zbekstan shekarasyn ashyp jatqan ýaqytta otandyq taýar óndirýshilerge jan-jaqty qoldaý kórsetý mańyzdy ekeni aıtyldy. Bul oraıda «Atameken» Ulttyq kásipkerler palatasy Basqarma tóraǵasynyń orynbasary Eldar Jumaǵazıev ótken jyly Saryaǵash jáne Maqtaaral aýdandarynda júrgizilgen zertteý jumystarynyń nátıjesin baıandady. Saryaǵashta bolashaqta qajetti 44 bıznes nysan anyqtalǵan. Aýdan ortalyǵynda 30% bala mektepke deıingi mekememen qamtamasyz etilmegen. Iаǵnı, shamamen 8 bala baqsha salýdy qajet etedi. «Aýdandyq kásipkerler palatasy júrgizgen taldaý boıynsha kolledjder men kásiptik mektepterde bilim alǵan 5318 jas mamannyń 90 paıyzy jumyspen qamtylmaıdy. Sondyqtan biz osy oqý oryndaryna qoıylatyn talapty ózgertýdi usynamyz. Iаǵnı, kásiporyndardyń suranysyna saı mamandar daıarlaý qajet», - deıdi E.Jumaǵazıev.
Budan bólek, «Atameken» kásiporyndardan oqý ortalyqtaryn ashýdy, onda 1 aıdan 6 aıǵa deıin oqytýdy usynyp otyr.
Ońtústikqazaqstandyq taýaróndirýshilerdiń básekege qabiletti bolýy úshin kórshi eldegi dıqandarmen aradaǵy aıyrmashylyqty azaıtý mańyzdy. Otyrysta keltirilgen derekterge qaraǵanda, Ońtústikte elektr qýatynyń 1 kılovaty 28 teńge bolsa, bizdiń aqshamen sanaǵanda kórshi О́zbekstanda – 8 teńge. Bir tekshemetr sýyńyz ońtústikte 50 teńge, kórshimizde -15, bir tekshemetr gaz bizde 36 teńge, olarda – 11 teńge. Mundaı aıyrmashylyq otandyq kásipkerlerge qıyndyq týǵyzýda. «Bul óz kezeginde ónimniń ózindik qunyna áser etedi. Mysaly, 1 keli qyzanaqtyń ózindik quny ońtústikte 270 teńge bolsa, О́zbekstanda bizdiń aqshamen eseptegende - 180 teńge», deıdi E.Jumaǵazıev.
Sondaı-aq, keńeıtilgen otyrysta jerdi tıimdi paıdalaný, ár aýdannyń múmkindigine taldaý jasaý, básekege qabilettilikti artyrý qajetti aıtyldy.
Erkin DOSYMBAI,
Ońtústik Qazaqstan oblysy
