32 jastaǵy norvegııalyq bıatlonshy Olımpııa oıyndarynyń tórt dúrkin chempıony. Sondaı-aq ol Olımpıadanyń úsh kúmis jáne bir qola medalin jeńip alǵan. Svensen óz karerasynda 12 ret álem chempıonaty jarysynda top jarsa, alty ret tuǵyrdyń ekinshi satysynan kóringen. Al úsh ret úshinshi oryndy qanaǵat tutqan.
Norvegııalyq sportshy 38 ret álem kýbogynda chempıon atanyp, 88 ret tuǵyr satysyna (38-21-29) kóterilgen. Sondaı-aq ol 2009/10 jylǵy maýsymda álem kýbogynyń jalpy kezeńiniń jeńimpazy atanǵan.
Úzdik gol anyqtaldy
Fýtboldan meksıkalyq Manýel Negrete Arıasanyń 1986 jyly Bolgarııa quramasynyń qaqpasyna soqqan doby álem chempıonatynyń tarıhyndaǵy eń ádemi gol dep tanyldy. Bul týraly Halyqaralyq fýtbol federasııasynyń (FIFA) resmı saıty málimdedi.
FIFA-nyń Feısbýk áleýmettik jelisindegi resmı paraqshasynda jankúıerler arasynda arnaıy saýaldama júrgizgen. Saýaldamaǵa álem chempıonatynyń tarıhyndaǵy eń úzdik 32 fýtbolshynyń soqqan golyn iriktep alǵan. Bir aıta keterligi, úzdik golǵa úmitker retinde Negreteniń eki goly engen. Biri 1982 jyly Brazılııada ótken fýtbol alamanynda KSRO (2:1) qaqpasyna jáne 1986 jyly Bolgarııa qaqpasyna salǵan goly. Nátıjesinde onyń óz elinde soqqan goly álem chempıonaty tarıhyndaǵy úzdik gol dep tanyldy.
Aıta keteıik, 1986 jyly Meksıkada ótken álem birinshiliginiń 1/8 fınalynda Meksıka Bolgarııa quramasymen jolyǵyp, 2:0 esebimen basym túsken bolatyn.
Qarymta kezdesý ótkizbek
Sheteldik The Sports Journal basylymynyń jazýynsha, 2018 jyly kásipqoı bokstan eks-álem chempıony kishi Floıd Meıvezer men erejesiz jekpe-jek ókili ırlandııalyq Konor MakGregormen qarymta kezdesý ótkizýi múmkin.
Basylymnyń habarlaýynsha, eki sportshy arasyndaǵy ekinshi aıqas segizburyshta ótkenimen, jekpe-jek erejesi boks sportyna saıady. Boksshylar alańǵa jalańaıaq shyǵyp, tórttik ólshemdegi qolǵappen judyryqtasady. Kelisimshart boıynsha kezdesý 70,3 kılo salmaqta ótpek. Raýnd uzaqtyǵy 5 mınýtqa sozylady. Sondaı-aq ereje boıynsha, aıaqpen tebýge, kúresýge, shyntaq jáne tizemen tebýge de tyıym salynǵan.
Jekpe-jekti Mayweather Promotions, UFC jáne McGregor Entertainment promoýterlik kompanııasy uıymdastyrmaq.
Daıyndaǵan Álı BITО́RE,
«Egemen Qazaqstan»
