TMD Parlamentaralyq Assambleıasynyń baıqaýshylar mıssııasynyń quramyna senatorlar Dáýren Ádilbekov pen Erbolat Muqaev engen bolatyn. Depýtattar Murat Baqtııaruly men Manap Kóbenov EQYU saılaý úderisterine Parlamenttik Assambleıanyń atynan bardy. Ázerbaıjan Mıllı Medjlısiniń shaqyrýy boıynsha Qazaqstan Parlamentiniń joǵarǵy palatasynyń depýtattary Muratbaı Joldasbaev pen Abdaly Nuralıev ta saılaýdy baıqaýǵa qatysýda.
Senator Muratbaı Joldasbaev ázerbaıjan buqaralyq aqparat quraldaryna bergen suhbatynda azamattardyń kóptep kelgeni men daýys berý úderisterinde tártip buzýshylyqtyń bolmaǵanyn atap ótti. «Saılaýshylardyń belsendiligi erekshe nazar aýdarady. Biz bolǵan ýchaskelerde eshqandaı jaǵymsyz jaǵdaılar bolǵan joq. Saılaý joǵary deńgeıde uıymdastyrylǵan. Atap aıtqanda, veb-kameranyń ornatylýy daýys berýdiń ashyq ótýine jaǵdaı jasaıdy», - dedi M. Joldasbaev.
Senatorlar Bakýde jáne eldiń túrli aýmaqtarynda ornalasqan saılaý ýchaskelerinde bolýdy josparlap otyr.
