F. Djessop atyndaǵy halyqaralyq sot prosesteri AQSh-tyń Vashıngton qalasynda White & Case halyqaralyq zań fırmasynyń qoldaýymen International Law Student Association – ILSA aǵylshyn tilinde ótkizetin halyqaralyq quqyq salasyndaǵy eń bedeldi jáne tanymal jarys.
Bıyl jarys álemniń toqsan bes eliniń namysyn qorǵaýǵa kelgen 645 ýnıversıtet komandasynyń qatysýymen elý toǵyzynshy ret ótken. Qazaq Gýmanıtarlyq-zań ýnıversıtetiniń komandasy KIMEP Ýnıversıtetine qarsy eki raýnd qorytyndysy boıynsha ulttyq kezeńniń jeńimpazy atanyp, Qazaqstannyń atynan shyǵatyn boldy. Halyqaralyq raýndtarda Ýnıversıtet komandasy University of Toronto (Kanada), Case Western Reserve University (AQSh), BRAC University (Bangladesh) jáne Hena e Plote (BEDER) University (Albanııa) sekildi bedeldi oqý mekemeleriniń komandalarymen básekelestikke tústi. Nátıjesinde Ýnıversıteti komandasy jalpy 3050 upaı jınap, 49-orynǵa ıe boldy.
Baıqaý reıtınginde ýnıversıtet komandasy University of California – Berkeley (AQSh, 60-oryn), Universität Wien (Aýstrııa, 53-oryn), University of Ottawa Faculty of Law – Common Law Section (Kanada, 57-oryn), Fordham University (AQSh, 62-oryn), Case Western Reserve University (AQSh, 64-oryn) jáne kóptegen basqa da tanymal joǵary oqý oryndarynan ozyp shyqty. Oǵan qosa, komandanyń memorandýmdary 26-oryndy ıelenip, álemniń eń úzdik memorandýmdarynyń elýligine kirdi, al spıkerler Zarına Temirbolatova men Madına Artýrova baıqaýdyń eń úzdik júz spıkerleriniń qataryna endi.
Komandanyń jeńiske jetýine óz úlesin Aıym Sabyrova, Aleksandra Platoshına jáne Adıl Osıpov sekildi stýdentter men magıstranttar qosty. Bul jarysqa komanda Ýnıversıtettiń Basqarma tóraǵasynyń orynbasary jáne Halyqaralyq quqyq kafedrasynyń dosenti Mıras Dáýlenovtyń, sondaı-aq dál sol kafedranyń aǵa oqytýshylary Aıman Smagýlova men Alberto Pekoraronyń basshylyǵymen daıyndaldy.
