Asqar Jumaǵalıevke «Sergek» foto-beıne tirkeý júıesiniń barlyq múmkindikteri, Qamqor aıyppul tóleý júıesi men ákimshilik quqyq buzýshylyqtyń biryńǵaı tizilimi tanystyryldy.
Áset Isekeshev «Sergek» kamerasyn ornatý jáne «nóldik tózimdilik» qaǵıdasyn iske asyrý jospary orta eseppen qylmys jaǵdaıyn 30%-ke, al jol-kólik oqıǵalaryn — 18%-ke tómendetýge yqpal etkenin atap ótti.
Tanystyrý barysynda vıse-premer IIM-ge Bas prokýratýra men IIM-niń aqparattyq júıelerin biriktirý rásimin jedeldetýdi tapsyrdy.
Búginde kameralardy ornatýdyń birinshi kezeńi aıaqtaldy. Qalada 6365 kamera biriktirilip, ornatyldy. Búkil qalany «Sergek» kameralarymen qamtý 2018 jyldyń 1 maýsymyna deıin aıaqtalmaq.
qaraı delegasııa Astana LRT ofısiniń jumysymen tanysty. Basqarma tóraǵasy Bekmyrza Igenberdınov qalanyń zııatkerlik kólik júıesi — baǵdarlamalyq-apparattyq keshendi kórsetti. Ol baǵdarshamdar men beınebaqylaý júıesin ortalyqtan basqarýǵa múmkindik beredi. Mamandar ITS jobasy aıasynda aıaldamalarǵa jolaýshylarǵa avtobýstyń kelý ýaqyty týraly aqparattandyryp turatyn tablo ornatylǵanyn aıtty. Tabloǵa qajettilik týyndaǵan jaǵdaıda TJ men basqa da aldyn ala belgisiz bolǵan jaǵdaılar týraly qosymsha aqparattardy ornalastyrýǵa bolady.
Dıspetcher ortalyǵyna kelgen qonaqtar táýlik boıy jedel rejımde júrgiziletin ortalyqtandyrylǵan basqarmanyń tasymaldaý prosesimen tanysty. Arnaıy ekranda qalanyń kartasy jáne qozǵalys kestesin baqylaıtyn ındıkatorly barlyq avtobýstyń jaǵdaıy kórsetilgen. Qyzyl — ýaqyttan buryn júrý, sary — ýaqyttan qalyp qoıý, jasyl — kestege sáıkes júrý. Atalmysh kartada aýytqý bolǵan jaǵdaıda, shema ózgergen kezde, TJ barysynda avtobýstardyń statýsy ózgergeni kórsetiledi.
Asqar Jumaǵalıev atalǵan barlyq fýnksııalar qala halqynyń ómirin aıtarlyqtaı qolaıly etip, jaqsarta túsetinin aıtty.
«Biz búgin jobalardyń daıyn ekenin kórdik, olar durys jumys istep tur, ákimdik turǵyndardan túsken shaǵymdar men ótinishterge jedel áreket etip, jaýap beredi. Bizge endi taǵy bir mańyzdy jumysty júrgizý kerek — barlyq aqparat qoljetimdi bolatyn mobıldi qosymshany ázirlep, jetildirý. Sebebi engizilip jatqan tehnologııalar barlyǵymyzdyń qaýipsizdigimiz ben jaılylyǵymyzdy qamtamasyz etedi, demek qalalyqtar olarǵa ońaı qol jetkizýi kerek», — dedi vıse-premer.
Qazirgi tańda jolaýshylar avtobýsymen 500 myńnan astam turǵyn qatynaıdy.
Nysandardy aralaý qorytyndysy boıynsha barlyq jaýapty qyzmet oryndaryna tıisti tapsyrmalar berildi.
