Máýlen Áshimbaev Pavlodar oblysynyń birqatar áleýmettik nysandarynyń jumysymen tanysty

Sonyń ishinde partııaǵa júktelgen mindetterdiń biri – eldi jańǵyrtý jolyndaǵy mańyzdy bastamalardyń, memlekettik baǵdarlamalardyń sapaly iske asyrylýyna baqylaýdy, osy baǵytta partııanyń belsendiligin kúsheıtý. Pavlodar oblysyna kelgen partııa Tóraǵasynyń birinshi orynbasary Máýlen Áshimbaev óńirde atqarylyp jatqan jumystardyń baǵyt-baǵdarymen tanysty.

Sapar barysynda Máýlen Áshimbaev aldymen alıýmınıı óndiretin «Qazaqstan elektrolız zaýyty» aksıonerlik qoǵamynda boldy. 2010 jyldyń maýsym aıynda Elbasy kásiporynnyń ekinshi kezeńin iske qosqany belgili. Bul kúnderi zaýyt tolyq jobalyq qýattylyǵy boıynsha jumys jasaýda. Sol kúnnen bas­tap kásiporyn jylyna 250 myń tonna alıýmınıı óndirýde.

О́ndiristiń eńbek ujymymen kezdesken M.Áshimbaev «Pre­zı­dent­tiń bes áleýmettik bastama­synyń» máni men mańyzyna keńi­nen toqtalyp, jumysshylardyń ótinish-tilekterin tyńdady.

Jalpy, «Nur Otan» partııa­sy qazaqstandyqtardyń eńbek qu­qy­­ǵyn qorǵaýǵa aıryqsha kóńil bólip keledi. Osyǵan baıla­nysty partııa eli­mizdiń Kásip­odaqtar federasııa­symen О́zara yntymaqtastyq týraly memorandým jasasý jó­ninde kelisimge keldi. Bul qujatqa «Nur Otan» partııasy Tóraǵasynyń birinshi orynbasary Máýlen Áshimbaev pen Kásipodaqtar federasııasynyń tóraǵasy Baqytjan Ábdiraıym qol qoıdy. Nátıjesinde taraptar qazaqstandyqtardyń múddesi men eńbek jáne áleýmettik-eko­no­mıkalyq quqyqtaryn qorǵaý maqsatynda partııalyq jáne qoǵamdyq baqylaýdy uıym­das­tyrý jóninde ózara kelisimge keldi. Aldaǵy ýaqytta atalǵan eki qo­ǵam­dyq ınstıtýt memlekettik organ­darmen birlesip aldyn alý jumystaryn odan ári jetil­dirýdi, eńbek daý-damaılary men áleýmettik baǵyttaǵy tótenshe jaǵdaılardy shuǵyl sheshýdi, bul jumystarǵa bilikti sarapshylar men tájirıbeli mamandardy jumyldyrýdy jáne eńbek ujymdaryndaǵy bastaýysh partııa jáne kásipodaq uıymdarynyń rólin kúsheıtý jóninde usynystar daıyndaýdy josparlap otyr.

Búginde partııa Tóraǵasynyń tapsyrmasy boıynsha «Nur Otan» partııasy óz qyzmetin jańǵyrtý jumystaryn júrgizýde. Qazirgi kúnderi halyqty alańdatqan má­selelerdi naqty sheshý maq­satynda 22 jańa partııalyq jo­ba daıyndalýda. Sonyń aıasynda Pavlodar oblysynda da jańa qa­natqaqty jobalar bastaldy. Iаǵnı «Nur Otan» men jergilikti memlekettik organdar, óńirlik kásipkerler palatasy jáne bıznes qaýymdastyq arasynda birqatar memorandýmǵa qol qoıyldy. Bul jobalardy júzege asyrý ar­qyly balalarǵa arnalǵan tegin IT synyptar ashýǵa, arnaıy IT mamandardy daıarlap, ha­lyq­tyń sıfrly saýattylyǵyn art­tyrýǵa, óńirlik kitaphanalar júıesin transformasııalaýǵa jáne kitaphanalardy qazirgi za­man­ǵy bilim ortalyǵy retinde qaı­ta qurýǵa jol ashylady.

– Jańa jobalar partııa ju­my­synyń tıimdiligin odan ári art­tyrýǵa baǵyttalǵan. Bizdiń árbir bastamamyz ben uıymdas­tyr­ǵan is-sharalarymyz naqty nátıje berip, halyqqa óz paıdasyn tıgizýi kerek. Kózdegen maq­satymyzǵa qol jetkizý úshin biz úkimettik emes uıymdarmen, bız­nes qaýymdastyqpen jáne mem­lekettik organdarmen tyǵyz baılanysta jumys isteımiz, – dedi Máýlen Áshimbaev.

Partııa Tóraǵasynyń birinshi oryn­basarynyń aıtýynsha, elimizde 1000 IT-synyp ashylmaq. Ony úsh jyldyń ishinde júzege asyrý josparlanǵan. Ár jylda tegin kýrstar arqyly 150 myń bala jáne 35 myń eresek adam baǵdarlamalaý negizderin úırenedi. Sonymen qatar sapar barysynda Máýlen Áshimbaev oblystyń belsendi jastarymen jáne «Jas Otan» jastar qanatynyń IV sezine qatysqan delegattarmen kezdesti. Oblys ortalyǵyndaǵy IT ortalyq pen «Jastar bastamalaryn damytý» ortalyǵynyń jumysymen tanysty. Bul ortalyqtarda jas­tar mobıldi qosymsha, veb-saıt sııaqty IT-ındýstrııaǵa qatysty jobalaryn usynyp, ony júzege asyrýǵa múmkindik alady. Sondaı-aq ortalyqqa kelýshiler ár salada jańa aqparattyq tehnologııalar men baǵdarlamalar daıyndap, olardy qoldanysqa engizý maqsatynda jumys isteıdi.

Al «Jastar bastamalaryn da­mytý» ortalyǵynda ornalasqan IT ortalyq elimizde alǵash bolyp jas­tarǵa «bir tereze» qaǵıdasy bo­ıynsha qyzmet kórsetýde. Onda jastarǵa jumysqa ornalasý, memlekettik baǵdarlamalar ar­qyly baspanaly bolý, jastar ara­synda kásipkerlikti damytý, zańdyq jáne psıhologııalyq qol­daý kórsetý jáne kásibı baǵdarlaý jumysy sııaqty qyzmetter kór­setiledi.

О́ńirde sıfrlandyrý baǵy­tyn­da birqatar jumystar júrgizilýde. Máselen, oblys ortalyǵyndaǵy jańadan ashylǵan №37 orta mektepte sıfr­ly tehnologııalar mek­tep­tiń kúndelikti tynys-tirshi­ligi­ne engen. Oqýshylar mek­tepke arnaıy karta nemese saýsaq tańbasy arqyly kirip-shy­ǵa­dy. Ata-analarǵa arnaıy habarla­ma joldanady. Bul ata-analardyń balalaryn baqylap otyrýyna múmkindik berip otyr. Mektepke arnaıy kelgen Máýlen Áshimbaev muǵalimdermen jáne oqýshylarmen kezdesip, zamanaýı bilim berý júıesin damytý jaıynda pikir almasty.

Sondaı-aq «Nur Otan» partııa­sy Tóraǵasynyń birinshi orynba­sary qarttar men múmkindigi shek­teýli jandarǵa arnaıy áleý­mettik qyzmet kórsetetin «Ar­dagerler úıi» ońaltý ortaly­ǵyn­da boldy.

Farıda BYQAI,

«Egemen Qazaqstan»

Pavlodar oblysy

Sýretti túsirgen Valerıı Býgaev