Aımaqtar • 19 Sáýir, 2018

Maqtaraldyqtar alǵashqy 20 tonna qyryqqabatty Atyraý qalasyna jóneltti

470 ret

kórsetildi

1 mın

oqý úshin

Maqtaral aýdanynda erte egilgen qyryqqabat ónimderi pisip, naryqqa jol tarta bastady. Erte kókónis ósirýde, onyń ishinde qyryqqabat egý boıynsha aýdanda kósh bastaıtyn Atameken aýyldyq okrýginiń dıqandary alǵash ónim bergen daqyldyń 20 tonnasyn Atyraý qalasyna jóneltti, dep habarlaıdy Maqtaral aýdany ákiminiń baspasóz qyzmeti.

Egemen Qazaqstan

Maqtaraldyqtar alǵashqy 20 tonna qyryqqabatty Atyraý qalasyna jóneltti

Aqpannyń basynda egilip, búginde ónimin berip jatqan qyryqqabat daqyly 892,5 gektar jerge egilgen jáne ol byltyrǵy jylmen salystyrǵanda 112,8 gektarǵa artyq. Búgingi tańda birneshe aýyl okrýgterinde jumysshy brıgadalary qurylyp, qyryqqabatpen elimizdiń soltústik oblystaryn qamtýdy jáne Reseıge eksporttaýdy kózdep otyr.

Maqtaraldyq dıqandar salmaǵy 1-1,5 keliden aspaıtyn qyryqqabattyń nıderlandyq pandıon surpyn ekken. Erte pisetin ónim túrine eýropalyqtar men reseılikter tarapynan suranys óte joǵary.

Jalpy, qyryqqabat daqyly erte pisetindikten, maqtaraldyq dıqandar onyń artynan qaýyn-qarbyz egýge kirisedi. Osylaısha jer emgen sharýalar 1 jylda eki ret ónim alady. Byltyrǵy jyly maqtaraldyq dıqandar respýblıkanyń birneshe oblysyn jáne Reseı Federasııasyn qyryqqabatpen qamtamasyz etken bolatyn.

Aıta keteıik, Maqtaral aýdanynda ótken jyly 3877 gektarǵa kókónis egilip, ortasha 231,3 sentnerden 89689 tonna ónim jınalǵan. Al, onyń 50 myń tonnadan astamy qyryqqabat daqyly bolatyn.