Ajar Qadjybekova 1978 jyly Almaty oblysynda dúnıege kelgen. 2000 jyly I. Jansúgirov atyndaǵy Jetisý memlekettik ýnıversıtetin, 2005 jyly — Qazaq ulttyq agrarlyq ýnıversıtetin támamdaǵan. Mamandyǵy — bıologııa muǵalimi, agronom.
Eńbek jolyn 2000 jyly bastaǵan.
2000–2006 jyldary bıologııa pániniń muǵalimi bolǵan, QR AShM Almaty oblystyq aýmaqtyq basqarmasynda túrli laýazymdardy atqarǵan.
2006–2012 jyldary QR AShM fıtosanıtarlyq qaýipsizdik departamentinde, QR AShM Agroónerkásip keshenindegi memlekettik ınspeksııa komıtetinde jumys istegen.
2012–2014 jyldary QR AShM fıtosanıtarlyq qaýipsizdik basqarmasynda, QR AShM ósimdik sharýashylyǵy ónimderin óndirý men qaıta óńdeý jáne fıtosanıtarlyq qaýipsizdik departamentinde basshylyq qyzmetter atqarǵan.
2014–2017 jyldary — QR AShM AО́K ǵylymı jáne kadrlyq qamtamasyz etý departamentiniń dırektory, QR AShM ósimdik sharýashylyǵy ónimderin óndirý men qaıta óńdeý departamentiniń dırektory.
2017 jyldyń qyrkúıek aıynan bastap QR AShM Agroónerkásip keshenindegi memlekettik ınspeksııa komıtetiniń Almaty oblystyq aýmaqtyq ınspeksııasynyń basshysy laýazymyn atqarǵan.
«Eren eńbegi úshin» medalimen marapattalǵan.
