«Klýb basshylyǵymen aqyldasa kele osy maýsymnyń sońynda klýbtan ketý týraly sheshim qabyldadym. Birneshe jyl boıy álemniń eń úzik komandasyn jattyqtyrǵanyma qýanyshtymyn. Klýbqa bar kúsh-jigerimdi saldym jáne adal jumys istedim dep aıta alamyn. Barsha jankúıer qaýymǵa, fýtbolshylarǵa alǵysymdy aıtamyn», deıdi Arsen Venger.
Fransııalyq maman 22 jyldyń ishinde «Arsenalmen» birge 17 kýbok jeńip alǵan. Úsh ret Anglııa chempıony atanyp, jeti ret Anglııa kýbogy men Anglııa Sýperkýbogyn jeńip alǵan. Venger Aǵylshyn premer-lıgasynda jattyqtyrýshy retinde 823 match ótkizip, APL tarıhynda rekord ornatqan. Ekinshi orynda «Manchester Iýnaıted» klýbynyń burynǵy jattyqtyrýshysy Aleks Fergıýson (810) tur.
Al klýb basshylyǵy jańa bapker jaqyn arada taǵaıyndalatynyn, oǵan deıin resmı túrde eshnárse habarlanbaıtynyn jetkizdi.
Anglııa chempıonatynyń 33-týrynan keıin «Arsenal» altynshy orynda keledi. Týrnırlik kestede besinshi orynda kele jatqan «Chelsıden» toǵyz upaı qalyp keledi. Sonymen qatar Eýropa lıgasynyń jartylaı fınalynda Ispanııanyń «Atletıkosymen» kezdesedi.
«Arsenalǵa» deıin Fransııanyń «Nansı» (1984-1987), «Monako» (1987-1994) jáne Japonııanyń «Nagoıa Grampýs» (1995-1996) komandalaryna jetekshilik etti.
