7 men 21 jas aralyǵyndaǵy balalardyń barlyǵy da talapty, talantty. Eki kún boıy olardy irikteý de halyqaralyq kásibı qazylar alqasyna ońaıǵa túsken joq. Bul joly baıqaýǵa Qazaqstannyń oblystarymen qatar Bolgarııadan, Armenııadan, Lıtvadan jáne Reseıden jas talanttar qatysty.
Baıqaýdyń qorytyndysy kúni sahnaǵa 20 jas ánshi kóterildi. Olar baıqaýdyń júldesin bólisti. Kishi top arasynda birinshi oryndy qostanaılyq Polına Kosenko, ortańǵy topta Armenııadan kelgen Mane Akobıan, úlken topta taǵy da qostanaılyq Álııa Naılııaeva aldy. Al 18 ben 21 jas aralyǵyn qamtıtyn eresek topta «altynǵa» Rýdnyı qalasynan kelgen Meıirhan Nazarhanov ıe boldy.
«Altyn mıkrofonnyń» bas júldesi bolgarııalyq kishkentaı ánshi, qostanaılyqtardy bulaqtaı káýsar daýsymen jáne darynymen tańǵaldyrǵan Sesıl Alper Sabrıge buıyrdy.
Názıra Járimbet
«Egemen Qazaqstan»
Qostanaı
