Bul ónimder dereý satylymnan alynyp, polıgonda tolyǵymen joıyldy.
«Sanıtarlyq-epıdemıologııalyq saraptama barysynda 70 saýda nysanynan 1279 synama alynyp, zertteldi. Qorytyndysynda 104 synamanyń tehnıkalyq reglament talaptaryna sáıkes kelmeıtini anyqtaldy. Atap aıtqanda óńirimizge Reseıden jetkizilgen tórt fırmanyń qus ónimderinen salmonella aýrýy tabyldy», deıdi qoǵamdyq densaýlyq saqtaý departamentiniń bólim basshysy Samat Qazanbaev.
Adam aǵzasyna zııandy taǵamdar «Chebarkýlskaıa ptısa», «MPK», «CAPITAL PROJECTS LTD» kásiporyndary ónimderinen, sondaı-aq «Býshtyń» san etterinen tabylǵan. Talapty buzyp, zańdy belden basqan 3 kásipkerge 144 300 teńge kóleminde aıyppul salynǵan.
Mamandar tutynýshylarǵa ónimdi satyp almas buryn quramymen muqııat tanysýǵa, taǵam óniminiń sapasy men qaýipsizdigin rastaıtyn qujattardy talap etýge, múmkindiginshe otandyq taǵamdardy satyp alýǵa keńes beredi.
Shujyq taǵamdary men konservilengen ónimderde shoshqa DNK-sy men GMO belgileri jáne soıa shamadan tys kóp ekendigi de anyqtalǵan.
О́mir ESQALI,
«Egemen Qazaqstan»
