«QR BǴM Bilim jáne ǵylym salasyndaǵy baqylaý komıtetiniń komıssııasy jumysyn aıaqtaı salysymen, biz atalǵan rezıdentterdi, doktoranttar men magıstranttardy osy zalǵa jınap, tekserý qorytyndysy týraly aqparaty jarııa ettik. Olar atalǵan sertıfıkattardyń jalǵan ekendigin jaqsy bilgen. Biz olardyń ar-uıattary oıanyp, óz erikterimen oqýdan shyǵady dep úmittendik. О́ıtkeni, barlyq qujattardyń Ishki ister departamentine berilgendigin aıttyq. Nátıjesinde 33 adam óz erikterimen oqýdan shyǵyp ketti», - dedi ol.
Ýnıversıtet basshysynyń aıtýynsha, jalǵan sertıfıkatqa qatysty tergeý amaldary júrgizilip jatyr. 18 sáýirge deıin 26 is sotqa jiberilgen. Jalpy 117 bilim alýshynyń 84-i sertıfıkattaryn túpnusqa dep sanap, óz erikterimen oqýdan shyǵýdan bas tartqan. Degenmen, Bilim jáne ǵylym salasyndaǵy baqylaý komıtetiniń komıssııasy óz jumysyn aıaqtaǵannan keıin atalǵan bilim alýshylardyń barlyǵy oqýdan shyǵaryldy
«Biz sot sheshimi shyqqandardyń tizimin jarııa etemiz. Olardyń aty-jónderin halyqqa jetkizý qajet, adamdar bilýi tıis», - dedi Májıt Shaıdarov.
Rektordyń aıtýynsha, ýnıversıtettiń atalǵan sertıfıkattarynyń túpnusqa ekendigin tekserýge prosestiń qıyndyǵyna baılanysty múmkinshiligi joq. «Onyń ústine barlyq sertıfıkattardy tekserýimizdi mindetteıtin ondaı norma joq. Sertıfıkattardyń túpnusqa ekendigin sot-tehnıkalyq saraptama ǵana aıqyndaı alady», - dedi ol.
