Qazaqstan • 27 Sáýir, 2018

1 mamyrda Astanada velosherý ótedi

420 ret

kórsetildi

1 mın

oqý úshin

1 mamyrda Astanada Qazaqstan halqynyń birligi kúnine oraı «Dostyq sherýi» atty velosherý ótedi. Jarys saǵat 13:00-de «Báıterek» monýmentiniń aldyndaǵy alańda bastalady, qatysýshylardy tirkeý saǵat 11.00-de ótkiziledi. Marshrýttyń uzyndyǵy – 4100 m. Velosherýge qatysýshylar Astananyń sol jaǵalaýymen júrip ótedi. Sporttyq is-shara Astananyń 20 jyldyǵy jáne «Rýhanı jańǵyrý» baǵdarlamasy aıasynda júzege asyrylady.

Egemen Qazaqstan

Sharaǵa álemdik deńgeıde el namysyn qorǵap júrgen tanymal veloshabandozdar, belgili sportshylar, etnomádenı birlestikterdiń ókilderi, sondaı-aq 12-den asqan elorda turǵyndary men qonaqtary qatysady.

Munymen qosa, velosherýge «Astana» Prezıdenttik klýbynyń «Astana Pro Team» kásipqoı komandasynyń ókili Dmıtrıı Grýzdev te shaqyryldy. Sportshy Qazaqstannyń úsh dúrkin chempıony, sondaı-aq jeke jarysta Azııanyń eki dúrkin chempıony bolyp tabylady.

Aıta keteıik, alańda velosıpedterdi jalǵa berý uıymdastyrylady, quny – 500-1000 teńge.

Jarys aldynda konserttik baǵdarlama ótedi, ár qatysýshyǵa energııa men jaqsy kóńil kúı syılaıtyn sporttyq jattyǵýlar jasalady. Velosherý aıaqtalǵan soń tirkelgen qatysýshylar arasynda velosıpedter men basqa da baǵaly syılyqtar oınatylady.