Sharany ótkizýdegi basty maqsat – halqymyzdyń aspaptyq, vokaldyq mýzykasyn saqtaý jáne nasıhattaý. Sondaı-aq shyǵarmashylyq baılanys pen áriptestikti nyǵaıtý arqyly Aqan seri tulǵasynyń tarıhı jáne mádenı mańyzyn arttyra túsý kózdelgen.
Jalpy, shyǵarmalary qazaq halqynyń máńgilik mýzykalyq qoryna engen uly sýyryp salma aqynnyń mýzykalyq murasyn keńinen tanytý ýaqyt talaby. Halyqtyń mýzykalyq qazynasynda ózine laıyqty ornyn alǵan Aqan seriniń «Qulager», «Mańmańger», «Maqpal», «Balqadısha», «Kókjendet», «Syrymbet» jáne taǵy basqa týyndylary oryndalyp, qatysýshylardyń qulaq quryshyn qandyrdy. Bul rette mýzyka men óner zertteýshileri Aqan seri shyǵarmashylyǵyn zertteýde onyń jańa qyrlaryn ashyp, mýzykalyq murany nasıhattaýda úlken jetistikterge qol jetkizip keledi. Osy turǵydan kelgende keshtiń uıymdastyrylýy qala turǵyndary men qonaqtary úshin keremet umytylmastaı áýezdi mýzykalyq tartý boldy.
Asqar TURAPBAIULY,
«Egemen Qazaqstan»
Aqmola oblysy
