Baǵdarlamanyń maqsaty Qazaqstandaǵy qarjy tehnologııalar salasyndaǵy startaptardy damytýǵa arnalǵan platformalardy qurý jáne osy salanyń álemdik kóshbasshylarymen ózara is-qımyl jasaýdy jolǵa qoıý.
«AHQO ákimshiligi» AQ sıfrlyq tehnologııalar jónindegi dırektory Ásel Janasovanyń Fintechstars qarjy tehnologııalar salasyndaǵy kásibin jańadan bastaǵan kásipkerlerge qoldaý kórsetýge kómektesetinin atap ótti.
«Baǵdarlama startaptarǵa qarjylandyrýǵa ıe bolý, sondaı-aq osy salanyń eń úzdik halyqaralyq mamandarymen birlese otyryp óz jobalaryn pysyqtaýdyń biregeı múmkindigin beredi. Qazaqstanda startap-jobalarmen jumys isteýde úlken tájirıbesi bar Seedstars-pen birlese otyryp aksellerasııalyq baǵdarlamanyń iske qosylýy qarjy tehnologııalardyń ekojúıesin damytýǵa baǵyttalǵan maqsattarǵa qol jetkizýge kómektesedi», – dedi Á. Janasova.
«Startaptardy baǵalaý kezinde mynadaı ólshemsharttar: komandanyń quzyrettiligi, kompanııanyń ósý dınamıkasy men olardyń Baǵdarlama barysynda ala alatyn qosymsha qundylyǵy eskerildi. Komandalar barynsha jetilgen, olardyń keıbireýleri isin jańadan bastaǵan startaptarǵa mentorlar retinde kómek kórsetýde. Bizdiń olarǵa beretin basty qundylyǵymyz – Seedstars baılanystar jelisine qoljetimdilik», – dedi Seedstars óńirlik ókili Igor Ovcharenko.
Baǵdarlamaǵa qatysýǵa 33 memleketten 146 ótinim kelip tústi. Irikteý nátıjesinde Qazaqstannan, Reseıden, Ýkraınadan, Grýzııa jáne Nıgerııadan 10 komanda irikteldi. Fintechstars aıasynda úsh aılyq oqý, halyqaralyq jáne otandyq mentorlardyń tálimgerligi jáne 20 myń AQSh dollary kólemindegi aldyn ala ınvestısııa kózdelgen.
Fintechstars qorytyndysy boıynsha eń úzdik startaptar 350 myń AQSh dollary somasyna deıingi ınvestısııaǵa jáne halyqaralyq naryqqa shyǵý múmkindigine ıe bolady.
