Qyzylorda oblysynyń tarıhı-mádenı mura eskertkishteriniń 3 D- kartasy 2018 jyldyń 1 qarashasyna deıin jasaqtalady.
«Birinshi kezekte kartaǵa IýNESKO-nyń aldyn-ala tizimindegi jáne respýblıkalyq, jergilikti mańyzy bar eskertkishter eńgiziletin bolady. Dalalyq zertteýler júrgizilip, nysandar týraly arhıvtik derekter men ańyz-áńgimeler jınaqtalady. Innovasııalyq ádister men kompıýterlik baǵdarlamalardyń kómegimen eskertkishtiń tolyq vırtýaldy modeli qalyptasyp, ár nysan týraly 3 tilde tolyq aqparat arnaıy saıtta ornalystyrylady», - dedi oblystyq mádenıet, arhıvter jáne qujattama basqarmasynyń basshysy Mıra Ábýova jobalyq basqarý boıynsha saraptamalyq keńes barysynda.
Búginde oblysta 286 eskertkish, ıaǵnı 30 respýblıkalyq, 256 jergilikti mańyzy bar eskertkishter memleket qorǵaýyna alynǵan.
