Sýretti túsirgen Maqsat AITBAI
Soǵys órtin kórgen atalarǵa taǵzym jasaý – jas urpaq paryzy. 9 mamyr merekesi kúni jergilikti bıýdjet esebinen óńirde turatyn soǵys ardagerlerine 150 myń teńge kóleminde syıaqy men 10 myń teńgege azyq-túlik jıyntyǵy berilmek.
Ishki saıasat basqarmasynyń basshysy Ernur Dáýenovtiń aıtýynsha, óńirde Uly Otan soǵysynyń 104 ardageri bar. О́tken aptada ǵana I, II dárejeli «Dańq» ordeniniń jáne «Erligi úshin» medaliniń ıegeri Buharıden Sermuhambetuly 109 jasynda ómirden ozdy.
Al oblys ortalyǵynda turatyn maıdanger Ǵabdolla Beısenbaev qazir 100 jasqa keldi. Soǵys órtin kórgen atalarǵa taǵzym jasap, aýdan, qalalar kóshelerine 70-ten astam ardagerdiń portretteri ilindi. Qazaqstandyq Jeńis lentasy jasaldy. Aımaqtyq telearnalardan ishki saıasat basqarmasy ázirlegen Keńes Odaǵynyń Batyry ataǵyn alǵan 23 pavlodarlyq týraly beınerolıkter kórsetiledi. Izdestirý jasaqtarynyń bastamasymen kóktemgi eske alý sharalary ótýde. 27 sáýirde «Batyrlar jolymen – Dorogoı slavy» jobasy sheńberinde oblys delegasııasy Volgograd oblysy «Mamaev qorǵany» aýmaǵynda Stalıngrad úshin shaıqasqan qazaqstandyqtarǵa arnalǵan eskertkishtiń ashylýyna attandy.
«Slavıan» etnomádenı birlestiginiń tóraıymy Tatıana Kýzınanyń aıtýynsha, Dostyq úıinde Vıktor Bochınge tapsyrylǵan marapat erekshe boldy. Soǵysqa qatysqan kóptegen maıdangerler ózderine berilgen marapattardyń bar ekenin bile almaı da ketkenin eskere sóılesek, soǵysta taǵaıyndalǵan bul nagradalardyń buıryqtary arhıvterde saqtalýda. Búgingi kúni maıdanǵa attanǵandardyń urpaqtary úshin osy nagradalardyń kýálikteriniń kóshirmelerin jasaý múmkindigi týdy. Talaı jyldan soń maıdanger Zahar Bochınniń úshinshi dárejeli «Dańq» ordeni men kýáligi onyń uly Vıktor Bochınge tabys etildi. Marapattaý rásimine Reseıdiń О́skemendegi Bas konsýldyǵynyń attashesi Danııl Lapach qatysty. Al V.Bochınniń ákesiniń nagradasy bar ekendigi «Podvıg naroda» saıty arqyly anyqtalypty.
– Lenıngradtaǵy aýylsharýashylyq ınstıtýtyn bitirgen meniń ákem Pavlodar oblysyna kóship keledi. Ol kisi 1943 jyly maıdanǵa attanǵan kezde úıde 3 bala qaldyq. Ákem soǵystan oralǵan soń, taǵy da 6 balasy dúnıege keldi. Kóp jyldar Pavlodar óńirinde zootehnık bolyp eńbek etti. 1979 jyly qaıtys boldy. Búgingi kún bizdiń áýlet úshin erekshe kún! – deıdi Vıktor Zaharovıch.
Farıda BYQAI,
«Egemen Qazaqstan»
PAVLODAR
