Ahmetjan Esimov Elbasy «Samuryq-Qazyna» AQ-nyń 2018-2028 jyldarǵa arnalǵan jańa damý strategııasyn bekitkenin jáne osyǵan sáıkes Jekeshelendirý baǵdarlamasynyń aýqymdy iske asyrylýy jalǵasyp jatqanyn jetkizdi. Sonymen qatar, birlesken kásiporyndar qurý Qor qyzmetiniń negizgi baǵyttarynyń biri bolyp sanalady. Feısal ben Kasım Ál-Tanı sheıh óz kezeginde Qor tóraǵasyna jyly qarsy alǵany úshin alǵys bildirip, 2015 jyly QR Prezıdenti Doha qalasyna is-saparmen barǵanda Astana shaqyrǵany úshin rızashylyǵyn jetkizdi.
Katar kásipkerleri qaýymdastyǵynyń tóraǵasy Sheıh Feısal ben Kasım ál-Tanı Katar kásipkerlerine Qazaqstandy ınvestısııa quıýǵa qolaıly memleket retinde usynatynyn jetkizdi. Sheıhtiń sózinshe, kórshi memleketterdiń Katarǵa qatysty engizgen embargosyna baılanysty el ekonomıkalyq yntymaqtastyqqa, ásirese kólik-logıstıka salasynda jańa múmkindikter izdeıdi.
Kezdesý sońynda Ahmetjan Esimov Qor kompanııalar tobynyń quramyna iri kólik kásiporyndary kiretindigin jetkizip, Holdıngpen tyǵyz yntymaqtastyqqa daıyn ekenin bildirdi.
