Erlan Álibekovtyń aıtýynsha, Kazgıdromet málimetteri boıynsha mamyr aıynyń basynda qala aýmaǵynda 76 mm jaýyn-shashyn jaýǵan. Onyń ishinde 12 mamyrda – 14 mm, 13 mamyrda 11 mm-ge, 14 mamyrda túske deıin 12 mm-ge deıin jaýyn-shashyn boldy.
– Aǵymdaǵy jyldyń mamyr aıynda aýa temperatýrasy 16 gradýstan joǵary boldy. Bir aılyq jaýyn-shashyn mólsheri qalyptan joǵary bolady dep kútilýde, – dedi Almaty qalasy Tótenshe jaǵdaılar departamenti bastyǵynyń orynbasary.
Sonymen 12-14 mamyr aralyǵynda jańbyrdan bolǵan sý tasqynynyń 24 oqıǵasy tirkeldi, onyń ishinde, jeke úılerde – 5, jertólelerde – 2, jeke úılerdiń aýlalarynda – 8 , kóshelerde – 9 oqıǵa oryn alǵan.
Atap aıtqanda, Alataý aýdanynda – 7 oqıǵa, Almaly aýdanynda – 3 oqıǵa, Áýezov aýdanynda – 2 oqıǵa, Bostandyq aýdanynda – 1 oqıǵa, Jetisý aýdanynda – 2 oqıǵa, Medeý aýdanynda – 7 oqıǵa, Naýryzbaı aýdany – 1 oqıǵa, Túrksib aýdanynda 2 oqıǵa tirkeldi.
Aınash ESALI,
«Egemen Qazaqstan».
ALMATY
