Qarjy jáne bıýdjet komıteti Almaty oblysynda kóshpeli otyrys ótkizdi

Memlekettik organdar bas­shylary jáne bıznes-qaýymdas­tyq ókilderi qatysqan kezdesý barysynda qosymsha qun salyǵy, kásipkerlik salasyndaǵy ózekti máseleler men olardy sheshý joldary talqylandy.

Senat depýtaty, Parlament Se­naty Qarjy jáne bıýdjet komı­tetiniń tóraǵasy Olga Perepechına sharany asha kelip, bıznes, ekonomıka salalaryn damy­týdyń keleshegi men jańa salyq jáne keden kodeksteriniń kásip­kerlik qyzmetke áseri jónin­degi ózekti máselelerdi talqy­laý maqsatynda palata komıte­tiniń músheleri salyq jáne keden saıasaty men ákimshilendirý, son­daı-aq ınvestısııalyq ahýal máse­leleri boıynsha jergilikti jerde memlekettik organdar basshy­larymen jáne bıznes-qaýymdas­tyq ókilderimen kezdesip otyr­ǵanyn atap ótti.

O. Perepechına senatorlardyń «Qor­ǵas» shekara mańy yntymaq­tastyǵy halyqaralyq ortalyǵy qyzmetiniń qazirgi jaı-kúıi men ózekti máselelerin zerdeleý nıeti týraly aıtty. Depýtattar shara ba­rysynda «Qorǵas-Shyǵys arnaıy ekonomıkalyq aımaq» qur­ǵaq porty men kólik-logıstıka orta­lyǵynyń jumysymen tanys­ty, ondaǵy jumystardyń barysy, keden baqylaýy men ártúrli jobalardyń iske asýy týraly paıdaly aqparattarǵa qol jetkizdi.

Máselelerdi jan-jaqty tal­qylaý úshin Ulttyq ekonomıka mınıstrligi men Qarjy mınıs­trliginiń ókilderi kezdesýge shaqyryldy. Olar jańa salyq jáne keden kodeksteriniń jobasyn ázirleýge qatysqan bolatyn.

Sharaǵa qatysýshylar aldynda Ulttyq ekonomıka mı­nıstrligi salyq jáne keden saıa­saty departamentiniń dırektory Azamat Ámrın, Qarjy mınıs­trligi Memlekettik kirister komıteti tóraǵasynyń orynba­sary Ǵusman Ámirın, Investı­sııalar jáne damý mınıstrligi ar­naıy ekonomıkalyq jáne ındýs­trııalyq aýmaqtar basqarmasynyń jetekshisi Arsen Meńdiǵazıev, Almaty oblys ákiminiń orynbasary Jeńis Tuıaqov sóz sóıledi.

Otyrys barysynda sharaǵa qatysýshylar ınvestısııalyq kompanııalarǵa qosymsha qun sa­lyǵyn qaıtarýǵa, ımporttalatyn taýarlardy qosymsha qun salyǵynan bosatýǵa qatys­ty, sondaı-aq bıznes-ahýaldy jaqsartý, kásipkerlik salasyn­daǵy ózekti máseleler jáne olardy sheshýdiń joldary jónindegi mańyzdy máselelerdi talqylady.

Kóshpeli otyrysty Olga Perepechına qorytyndylady. Onyń aıtýynsha, komıtet otyrysynda aıtylǵan usynystar men eskertpeler salyq jáne keden saıasaty men ákimshilendirý, ınvestısııalyq ahýal máselelerin retteýge arnalǵan zań jobalaryn qaraý barysynda paıdalanylatyn bolady.

Parlament depýtattary sońynda «Qaljat» keden-lo­gıstıka ortalyǵyna jáne aımaqtaǵy basqa da nysandarǵa bardy.