Onda Qyzdar ýnıversıtetiniń qurylý, damý jáne bolashaǵyn qamtyǵan kitaptar, tanymdyq kitapshalar men kádesyılar qoıylǵan. Bul óz kezeginde amerıkalyq stýdentterge pedagogıkalyq oqý orny týraly mol aqparat berýge septespek.
Qazaq memlekettik qyzdar pedagogıkalyq ýnıversıtetiniń buryshy Mıssısıpı Ýnıversıtetiniń alǵashqy rektory, doktor Djeıms Gerbert Ýaıstyń kitaphanasynan oryn alǵan.
– Bul bastama sheteldikterge Qyzdar Ýnıversıteti týraly tolyq ári naqty aqparat alýyna múmkindik týǵyzady. Bir bul ǵana emes. Kópshilik nazaryna usynylǵan kitaptar men buıymdar arqyly sheteldik stýdentter qazaq halqy jaıynda tyń derekterge qol jetkizbek. Biz de sapar aıasynda irgeli oqý ordasynyń stýdentterine óz ýnıversıtetimizdiń tanymdyq aqparattary jazylǵan anyqtamalyq kitapshalardy tarattyq. Osyndaı ıgilikti iske uıytqy bolyp, qoldaý kórsetkeni úshin ýnıversıtet kitaphanasynyń dırektory Henderson myrza men professor Ketı Goldenge sheksiz rızashylyǵymyzdy bildiremiz, – deıdi Arnaıy jáne áleýmettik pedagogıka kafedrasynyń oqytýshysy F. Myrzahanova.
