Qazaqstan Prezıdenti qaladaǵy ortalyq alańdy aralap kórgennen keıin, memlekettik turǵyn úı baǵdarlamasynyń iske asyrylý barysymen jáne Oral qalasyn odan ári damytý josparymen tanysty.
Memleket basshysyna eski úılerdi buzyp, ornyna jańa úı salý, sondaı-aq áleýmettik sala nysandarynyń qurylysyna ınvestısııa tartý barysy jóninde málimet usynyldy.
Sonymen qatar, Nursultan Nazarbaevqa «Aqyldy qala» tujyrymdamasy aıasyndaǵy jobalardyń iske asyrylýy týraly baıandaldy.
Elbasy, sondaı-aq, óńir jurtshylyǵymen kezdesti. Onda turǵyndar Memleket basshysyna qabyldanǵan «Bes áleýmettik bastama» úshin alǵys bildirdi.
Qazaqstan Prezıdenti elimizde júege asyrylyp jatqan áleýmettik baǵdarlamalar qoǵamnyń, ásirese jastardyń, meılinshe ózekti problemalaryn sheshýge baǵyttalǵanyn atap ótti.
Nursultan Nazarbaev Qazaqstan qoǵamynda beıbitshilik pen kelisimdi saqtaýdyń mańyzdylyǵyna toqtalyp, elimizdiń qarqyndy ekonomıkalyq damýy úshin óńirlik jáne halyqaralyq yntymaqtastyqty nyǵaıtýdyń máni zor ekenin aıtty.
Áńgimelesý sońynda Elbasy oblys turǵyndaryna tabys pen baq-bereke tilep, Qazaqstandy órkendetý isine belsendi atsalysýǵa shaqyrdy.
