Halyqaralyq uıymdarmen jáne basqa elderdiń AT-qoǵamdastyǵymen áriptestik qarym-qatynas ornatý, sondaı-aq sheteldik rezıdentterdi, áriptesterdi jáne ınvestorlardy tartý maqsatynda, Astana Hub halyqaralyq IT-startaptar tehnoparki forýmǵa basqa IT-kompanııalarmen birdeı qatysý úshin óz rezıdentterin jiberdi. Qazaqstannyń 128 sh.m.-lik bólek stendinde tehnoparktiń kelesi 5 startapy usynylǵan:
-
Jaybox – noýtbýk temirimen shaǵyn korpýsty kishkentaı proektor;
-
Eventum.one — event-ındýstrııa salasyndaǵy marketıng jáne bıletter satylymyn avtomattandyrý boıynsha ulttyq sheshim;
-
Game of Drones — drondar basqarylatyn onlaın oıyn;
-
SmartZapravka — klıentterge óz kóliginen shyqpaı, janar-jaǵarmaı quıyp alýǵa kómektesetin mobıldi qoldanba
-
AI Labs — vırtýaldyq kómekshisi kiriktirilgen omnıarnaly baılanys ortalyǵy.
Is-sharanyń resmı ashylýy barysynda, Astana Hub rezıdentteri Insight startap-akseleratoryna baryp, Belorýssııanyń startap-ekojúıesin qalyptastyrý jónindegi tájirıbesimen bólisken TDIgroup SEO Sergeı Drobyshevskıımen áńgimelesti. Belorýssııalyq akseleratordyń ókilderi de Astana Hub qyzmetimen jáne akselerasııa baǵdarlamasynyń birinshi aǵynyndaǵy jobalarmen tanysyp shyqty.
Budan bólek, Qazaqstan delegasııasynyń ókilderi startup hub Imaguru.by tarapynan uıymdastyrylǵan Belarus Startup Ecosystem Builders is-sharasyna baryp keldi. Mınsk startap-ekojúıesiniń barlyq oıynshylaryn biriktirgen bul alańshada usynylǵan Qazaqstannyń jobalary Belorýssııanyń venchýrlyq qor ókilderiniń, ınvestorlarynyń erekshe qyzyǵýshylyǵyn týdyrdy. Forýmnyń birinshi kúninde kommýnıkasııalyq alańshalarǵa barýdyń arqasynda, Qazaqstannyń jańa bastaýshy AT-kásipkerleri tájirıbe almasý jáne bolashaqta birlesken tehnologııalyq jobalardy iske asyrý úshin paıdaly qarym-qatynas ornatý múmkindigine ıe boldy.
Astana Hub tehnoparki 2018 jyldyń ishinde Road Show arnaıy jobasynyń sheńberinde birneshe halyqaralyq AT-forýmlar men konferensııalarǵa qatyspaq – osylaısha, tehnopark rezıdentteri halyqaralyq áriptestik baılanys ornatý, sheteldik ınvestorlardy tartý, halyqaralyq AT-qoǵamdastyqtyń Astana Hub tehnoparkiniń qyzmeti týraly habardarlyq deńgeıin kóterý jáne startaptardy syrtqy naryqtarǵa shyǵaryp, masshtabtaý jáne Qazaqstanda AT-naryty dáripteý múmkindigine ıe bolady.
«Mınsk qalasyndaǵy «TIBO» sııaqty halyqaralyq kún tártibi belgilengen AT-forýmdarǵa qatysý – jańa bastaýshy kásipkerler úshin de, osy salanyń asa tájirıbeli ókilderi úshin de durys ınvestısııa. Búgingi tańda, Astana Hub tehnoparkiniń 5 startap-komandasy dál osy jerde, TMD aýqymyndaǵy eń tanymal forýmdardyń birinde usynylǵan. Astana Hub tehnoparki óz rezıdentteriniń bıznesin damytý úshin jaıly tehnıkalyq jaǵdaı jasaýmen ǵana shettep qalmaı, bıznes-baılanystardy, halyqaralyq qatynastardy nyǵaıtýǵa jáne ınvestorlardy tartýǵa da qolǵabys etedi. Sondyqtan da, osy baǵytty iske asyrý úshin Road Show arnaıy jobasy ázirlengen bolatyn. Mysaly, «TIBO – 2018» is-sharasyna álemniń 15 túrli eliniń ókilderi – 100-dan astam kompanııa qatysady, olardyń arasynda eýrazııalyq óńirge baǵdarlanǵan qyzmetpen aınalysatyn tirkemeli ınvestorlar da bar. Munda, ekspansııaǵa daıyndalyp jatqan qazaqstandyq kompanııalarymyzǵa, «TIBO» forýmynyń alańshasy usynatyn osy resýrstar men quraldar halyqaralyq iskerlik kommýnıkasııalardy ornatý úshin óte paıdaly bolady» - dep málimdedi «Zerde» ulttyq ınfokommýnıkasııa holdıngi tóraǵasynyń orynbasary jáne «TIBO – 2018» forýmyndaǵy qazaqstandyq delegasııanyń ókili, Pavel Koktyshev.
Astana Hub rezıdentteriniń ózderi bolsa, «TIBO» forýmyna qatysý – eń aldymen, tájirıbe jınaý jáne sheteldik naryqty zertteý múmkindigi dep atap ótýde:
«Forýmǵa qatysýdyń arqasynda, halyqaralyq alańshada senimdi bolýymyz úshin mol tájirıbe jınaqtaý múmkindigine ıe bolyq. Qazirdiń ózinde birneshe is-sharaǵa qatystyq, sonyń ishinde venchýrlyq kompanııalarmen de kezdestik, jerigilikti ınkýbatorlar men akseleratorlarǵa baryp keldik – osylaısha, olardyń jumysynyń qalaı júrgiziletinin túsindik, áleýetti áriptestermen tájirıbe almastyq jáne baılanys ornattyq. Jalpy, osynyń barlyǵyn baqylaı kele, qazaqstandyq startaptardyń damý deńgeıin aýyz toltyryp aıtarlyq deýge bolady – komandalarymyzdyń kóbisi TMD aýmaǵyndaǵy kórshiles elderdiń málimdegen jobalaryna des bermeıdi – qazir halyqaralyq naryqtyń baǵyttaryn zertteı kele, básekege qabiletti bola alatynymyzdy túsinemiz» - dep óz oıymen bólisti “Game of Drones” startap-jobasynyń negizin qalaýshy, Abylaıhan Jakanov.
2018 jylǵy forýmnyń taqyryby – telekommýnıkasııalyq jáne jelilik ınfraqurylym, televızııalyq, mýltımedıalyq tehnologııalar jáne oıyn tehnologııalary, ınternet tehnologııalary jáne qyzmetter, robot tehnıkasy, «Aqyldy qala» jáne «Aqyldy úı» tehnologııalary jáne basqalar boldy. Ekspozısııa qoǵam men mamandardyń nazaryn zamanǵa saı álemdik trendterdi qoldaný arqyly ekonomıkany sıfrlyq túrlendirý úderisterine aýdarýǵa baǵyttalǵan.
