Áleýmettik-ekonomıkalyq damý qorytyndysy jáne 2018 jylǵy qańtar-sáýir aıyndaǵy ekonomıkanyń nysanaly ósý ındıkatorlarynyń atqarylýy týraly Ekonomıka jáne bıýdjettik josparlaý basqarmasy basshysynyń mindetin atqarýshy Halıla Nurǵalıeva baıandady.
Mańǵystaý oblysynda aǵymdaǵy jyldyń qańtar-sáýir aılarynda qysqa merzimdi ekonomıkalyq ındıkator 103,2% qurady (2017 jylǵy qańtar-sáýirde 99,1%). О́nerkásip óniminiń kólem ındeksi – 101,5%, óndirilgen ónim – 910,0 mlrd. teńge. 2018 jyldyń 4 aıy ishinde 38,8 mlrd.teńgege qurylys jumystary júrgizilgen, bul kórsetkish 2017 jylǵy qańtar-sáýirde - 29,2 mlrd. teńge bolǵan edi.
Kásipkerlikti qoldaý Kartasynyń sheńberinde aǵymdaǵy jyly jalpy somasy 11,5 mlrd. teńge bolatyn 4 joba josparlanǵan, bul jobalar boıynsha jalpy sany 223 jańa jumys orny qurylady dep mejelenedi. Jańa jobalar qatarynda Polımerlik qaptamasyn óndirý zaýyty, Jıhaz jáne plastıkalyq terezelerdi daıyndaýǵa arnalǵan óndiristik seh, Kabelder men transformatorlar óndiretin zaýyt, Kún jáne jel elektr stansııasy bar. Jobanyń biri - Munaıly aýdanynyń Batyr aýylynda quny 1,2 mlrd. teńge bolatyn qýattylyǵy 2 MVt kún jáne jel elektr stansııasy qurylysy aıaqtalyp, paıdalanýǵa berilgen bolatyn. Jańa nysan 10 adamdy jumyspen qamtydy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
