Vedomstvo málimetinshe, 17 mamyrda Nıý-Iorkte BUU Qaýipsizdik Keńesinde "Halyqaralyq beıbitshilik pen qaýipsizdikti qoldaý turǵysynda halyqaralyq quqyq normalaryn saqtaýdy qamtamasyz etý" ashyq talqylaýy ótkizildi. Keńes Polsha prezıdenti Andjeı Dýdanyń tóraǵalyǵymen ótkizildi.
Qazaqstan Qaýipsizdik Keńesiniń turaqty emes múshesi bolyp tabylady. Otyrysta elimizdi Ádilet mınıstri Marat Beketaev tanystyrdy.
Ádilet mınıstrligi halyqaralyq arenada el múddesin qorǵaýda jáne memleketaralyq sharttardy daıyndaýda mańyzdy ról atqarady.
О́z sózinde Ádilet mınıstri beıbitshilik pen qaýipsizdikti qoldaýǵa qajetti birneshe problemalyq máselelerdi atap kórsetip, olardy sheshý úshin birqatar usynystar usyndy.
Mınıstrliktiń málimetinshe, 2045 jylǵy BUU-nyń 100 jyldyǵyna qaraı beıbitshilikke qaqtyǵyssyz qol jetkizý qajet, dál osy ıdeıany Qazaqstan Prezıdenti Nursultan Nazarbaev óziniń "Mır. XXI vek" atty Manıfestinde usyndy. Buǵan qol jetkizý jáne óskeleń urpaqty soǵys apatynan qutqarý úshin Manıfest álemge tóngen qaýip-qaterdi boldyrmaýǵa jáne joıýǵa arnalǵan qajetti ujymdyq sharalardy jáne osy maqsatqa jetýdegi árbir memlekettiń jaýapkershiligin anyqtaıdy.
Ekinshiden, mınıstr halyqaralyq beıbitshilik pen qaýipsizdikti qoldaýdyń basty quraly bolyp tabylatyn óńirlik jáne qosalqy óńirlik uıymdardyń mańyzdy rólin atap kórsetti. Sondyqtan, Qaýipsizdik Keńesiniń otyrystaryn basqa da óńirlik ortalyqtarda ótkizý múmkindigi týraly oılanǵan jón.
Osyǵan oraı, Marat Beketaev talqylaý qatysýshylaryna Qazaqstan Prezıdentiniń Kaırdan Seýlge deıingi 26 el shırek ǵasyr boıy preventıvti dıplomatııa salasynda tabysty jumys jasap kele jatqan Azııadaǵy ózara is-qımyl jáne senim sharalary konferensııasyn qurý bastamasy týraly aıtyp ótti.
Sóz sońynda ádilet mınıstri jahandyq problemalardy sheshýge arnalǵan halyqaralyq quqyqtyń jáne onyń tetikteriniń rólin kúsheıtýde mańyzy bar taqyrypty talqylaǵany úshin polsha basshylyǵyna alǵysyn bildirdi.
