Taraptar keshe Qazaqstan men Horvatııa úkimetiniń arasynda qol qoıylǵan ónerkásip, aýyl sharýashylyǵy, aqparattyq tehnologııalar men energetıka salasyndaǵy ózara árekettestikti arttyrýǵa arnalǵan ekonomıkalyq yntymaqtastyq jónindegi kelisimge qoldaý bildirdi. Qujatqa Astana ekonomıkalyq forýmy aıasynda QR Ulttyq ekonomıka mınıstri Tımýr Súleımenov jáne Qazaqstandaǵy elshilik qyzmetin qosa atqaratyn Horvatııanyń Reseı Federasııasyndaǵy elshisi Tonchı Stanıchıch qol qoıdy.
Kelisim eki jaqtyń da múddesin eskeretin sheshimderdi qabyldaýdyń tıimdi mehanızmi bolyp tabylatyn Qazaqstan-Horvat Úkimetaralyq komıssııasyn qurýǵa negiz bolady. Kezdesý barysynda taraptar kólik logıstıkasy jáne týrızm salalaryndaǵy yntymaqtastyq áleýetin talqylady. Sondaı-aq, ózara saýda kólemi 2017 jyldyń qorytyndysy boıynsha, 316 mıllıon AQSh dollaryn quraǵany atap ótildi. Bul aldynǵy jyldyń kórsetkishinen 8 ese joǵary.
Horvatııanyń statıstıkalyq málimetteri boıynsha, bul elge 2017 jyly 3 myńnan astam qazaqstandyq týrıst barǵan. Kezdesýge qatysqan T.Stanıchın horvat úkimetiniń osy jyly kúzde Astana qalasynda dıplomatııalyq ókildik ashýǵa nıetti ekenin rastady. "Horvatııa elshiligin ashý - el bıliginiń Qazaqstanmen baılanysyn nyǵaıtýdaǵy saıası yntasynyń bar ekenin kórsetedi. Bul áreket ekijaqty yntymaqtastyqtyń odan ary damyp, tereńdeýine yqpal etedi", - dep bólisti R.Vasılenko.
