Kirister basqarmasynyń málimetinshe, reıd qaladaǵy «Aq Otaý» meıramhanasynyń janynda, «Ertis» baqylaý-ótkizý pýnkti jáne Ýspen kópiriniń qasynda júrgizildi. Qala kóshelerinde ornalasqan beınebaqylaý kameralarynyń da kómegi bar. Byltyr 1,6 mıllıon teńge qaryzy bar «Leksýs» kóligi aıyppul turaǵyna qoıylypty, 4 mıllıon teńge salyq tólemegen 9 kólik arnaıy avto turaqqa jiberilgen. Bir toqsan aralyǵynda aıyppul turaǵyna 10-nan 15-ke deıin avtokólik qoıylady. Jyl basynan beri avtoturaqqa 2 mıllıon teńge qaryzy bar 5 kólik jiberilipti. Ekeýi keıin qaryzdaryn ótepti. Sonymen birge, 5 myńnan asa júrgizýshilerge eskertý jiberilipti.
Oblystyq memlekettik kirister basqarmasynyń málimetinshe, kólik salyǵy 670 mıllıon teńgege jetken, avtokólik ıeleri tipti, qoldaryna salyǵy tólenbegeni jaıly eskertýdi alsa da, qaryzdaryn óteýge asyqpaıdy.Salyq tóleý úshin bir aı ýaqyt beriledi. Nátıje bolmaǵan jaǵdaıda, reıdtterge shyǵýǵa týra keledi. Bıyl Salyq Zańyna ózgertýler de engizildi. Endi kólik salyǵyna qatysty buıryqtardy memlekettik kirister basqarmasy da shyǵara alady. Bul buıryq jeke sot oryndaýshylaryna jiberiledi. Júrgizýshi kýáligi alynyp, ákimshilik qamaýǵa alynýy da múmkin.
Farıda BYQAI,
«Egemen Qazaqstan»
Pavlodar
