Oblystyq aýyl sharýashylyǵy basqarmasynyń málimetinshe,tyńaıtqyshtardy sýbsıdııalaý úderisi avtomattandyrylǵan. Sýbsıdııanyń kimge qansha kólemde beriletinin memlekettik qyzmetkerler emes, kompıýterlik júıe sheshedi. Jańa júıede burynǵydaı sheneýnikter men sharýalar arasynda baılanys bolmaıdy, jemqorlyqqa jol berilmeıdi.
Endi ıeligindegi egis alqaptarynyń elektrondy kartasyn jasamaǵan sharýa qojalyqtary tyńaıtqyshtarǵa sýbsıdııa ala almaıdy. Sondyqtan, jergilikti dıqandar sıfrlandyrý júıesine qosylýǵa kiristi. Qazir kóktemgi egis jumystary bastaldy. Basqarmasynyń habarynsha, bıylǵy kóktem kesh kelýine oraı topyraq beti áli jylı qoımaǵan. Degenmen, jumys bastaldy. Egis alqaptarynyń kólemi 1 mıllıon 421 myń gektar. Aýyl sharýashylyǵy qurylymdaryn sýbsıdııalaýǵa 3,1 mlrd. teńge qarjy qarastyrylypty.
Sharýa qojalyqtaryn qoldaý úshin kóktemgi egis jumystaryna shaǵyn nesıe túrinde 2 mlrd. teńge qarajat bólingen. Jeńildetilgen baǵamen 16 myń tonna dızel otyny berilmek, 126,8 myń tonna tuqym daıyndaǵani. Egis naýqanyna 5 018 traktor daıyn. Quny 454 mıllıon teńgege 23 jańa tehnıka satyp alǵan. Kóktemgi egis naýqanyna qajetti sapaly tuqym da, ylǵal da jetkilikti.
Farıda Byqaı,
«Egemen Qazaqstan»
Pavlodar oblysy
