Bul kópirdiń respýblıkalyq mańyzy bar, ol Aqtóbeden reseılik Astrahanǵa deıingi joldy qysqartyp, tranzıttik kólik aǵynyn Atyraýǵa kirgizbeı ótkizýge múmkindik beredi. Sonymen qatar elý myńnan asa turǵyny bar 18 eldi meken halqyn aýdan ortalyǵyna parommen qatynasýdan qutqarady. Búgingi kúnge deıin parommen qatynaý turǵyndardyń tirshiligine qolaısyz, qaýipti jáne óńirdiń áleýmettik-ekonomıkalyq damýyna da keri áserin tıgizýde. Osy tarapta asa qajetti kópir qurylysy jumysyn jyldam aıaqtap, iske qosý maqsatynda 2018-2020 jyldarǵa arnalǵan respýblıkalyq bıýdjetti naqtylaý kezinde qosymsha 1 500,0 mln teńge bólingen jaǵdaıda, bıylǵy jyly nysandy tolyqtaı bitirip, iske qosýǵa múmkindik týatynyn aıtyp, biz sáýir aıynda Premer-Mınıstr Baqytjan Saǵyntaevtyń atyna depýtattyq saýal joldaǵan edik.
Sol saýalǵa Úkimet basshysynan jýyrda jaýap keldi. Onda «bastalǵan jobalardy, sonyń ishinde olardyń qunynyń qymbattaýyn boldyrmaý maqsatynda birinshi kezekte aıaqtaý qajettigi týraly sizderdiń usynystaryńyzdy qoldaımyz. Sonymen birge, aǵymdaǵy jyldyń bıýdjetin naqtylaý barlyq múmkin resýrstardy qoldana otyryp Memleket basshysynyń Joldaýyn jáne «Prezıdenttiń bes áleýmettik bastamasyn» iske asyrýǵa baǵyttalǵanyn habarlaımyz. Soǵan baılanysty joǵaryda kórsetilgen jobaǵa qarajat bólý máselesin sheshýdi Qazaqstan Respýblıkasy Investısııalar jáne damý mınıstrliginiń jergilikti jeliniń avtojoldary jobalary boıynsha bıýdjet qarajattary únemdelgen jaǵdaıda qaıta bólý jolymen nemese 2018 jylǵa arnalǵan respýblıkalyq bıýdjetti naqtylaý kezinde, sondaı-aq 2019-2021 jyldarǵa arnalǵan respýblıkalyq bıýdjetti qalyptastyrý kezinde qarastyrýdy usynamyz» delingen.
Úkimet basshysynyń ózekti máselege kóńil bólip, qoldaǵanyn quptaımyz. Qajetti qarajattyń aıtylǵan baǵyttardan túsetininen úmittimiz.
Ǵumar DÚISEMBAEV,
Senat depýtaty
