«Estimegen elde kóp» degen ras-aý! Bir bólmeli páterdi satýǵa konkýrs jarııalaǵan Petropavl qalasy ákimdiginiń qyzmetkerleri oǵan ákeleriniń qunyn surap, aıdy aspannan biraq shyǵardy. Naryqtaǵy baǵasy ári ketse 5 mıllıon teńgeni quraıtyn baspanany 33 mıllıon teńgege puldaǵanyn estigen jurtshylyq sener-senbesin bilmeı dal.
Habarlandyrýdy ákimdiktegiler memlekettik satyp alý jarnamalaryn ornalastyratyn saıtta jarııalap, aınalany ý-shýǵa bólep jiberdi. Bir bólmeli páterdiń quny 33 mıllıon teńgeden aspaýy tıis degen talaptyń qaıdan alynǵany belgisiz. Olardyń túsindirýinshe naryqtaǵydan baqandaı alty ese qymbat baspanany qyzmettik oryn retinde paıdalanbaqshy kórinedi eken. Kimder úshin ekeni ashyp aıtylmaıdy. Bir ǵana belgilisi–qazyna qarjysynyń beı-bereketsiz jumsalatyny ǵana.
Qala ákiminiń oynbasary Sánııa Ismaılova mundaı habarlandyrýdyń saıtta ornalasqanyn joqqa shyǵarmady. Onyń aıtýynsha páter kúrdeli jóndeýden ótýi jáne jıhazdarmen tolyq jabdyqtalýy, aýmaǵy 80 sharshy metrden kem bolmaýy bolýy tıis.
О́mir Esqalı,
«Egemen Qazaqstan»
Soltústik Qazaqstan oblysy
