Aıta ketken jón, ýnıversıtet ujymy atalmysh is-sharany alǵash ret jas ǵalymdardyń ǵylymı-zertteý jumystaryn nyǵaıtý jáne pedagogıka salasyndaǵy mamandardyń biliktiligin arttyrý maqsatynda uıymdarstyryp otyr.
Semınar jumysyna bilim berý salasynyń úzdik ókilderi qatysyp, jas mamandarǵa arnaıy sheberlik saǵattary men baıandamalaryn arnady. Sonymen qatar shara barysynda «Bilim berý salasyndaǵy menedjment pen kóshbasshylyq», «Bilim berý salasyndaǵy modernızasııa: qazaq tili men ádebıeti máseleleri», «Sıfrlandyrý dáýirindegi matematıkalyq bilim berý», «Qashyqtan bilim berý tehnologııalary» syndy birqatar ózekti taqyryptarǵa arnalǵan dóńgelek ústelder ótti.
Qatysýshylar SDÝ úzdiksiz bilim berý ortalyǵynda aǵylshyn tili biliminiń deńgeıin tekserip, synama emtıhan tapsyrdy.
Is-sharanyń arnaıy qonaqtary elordalyq «Ustaz» Kásibı Jetildirý Ortalyǵynyń bas dırektory Álimjan Igenbaev qatysýshylarǵa «Kemel ustaz» portreti tájirıbelik sheberlik saǵatyn ótkizse, Central Asian Garden Schools basqarý kompanııasynyń bas dırektory Nurmuhamed Dosybaev «Qazaqstandyq bilim berý 4.0:ǵasyrdyń zamanaýı syn-tegeýrinderi» taqyrybynda oılarymen bólisti.
Al, beıindi mamandyqtar úshin SDÝ sarapshylary, til ǵylymnyń kórnekti ókilderi professor Quralaı Kúderınova men dosent Joldas Mámbetov syndy beldi oqýtyshylar arnaıy baıandamalaryn ázirlep, tyńdarmandarǵa tushymdy aqparat berdi.
Tyńdarmandar nazaryna baıandamashylar «Zamanaýı talaptar konteksindegi sheshendik ónerdiń qyr-syry» jáne «Jańa álipbımen jas urpaq sanasyn qalaı jańǵyrtýǵa bolady?» syndy tyń taqyryptarǵa oı qozǵap, jańashyl kózqarastaryn bildirip, tolyq baǵyt-baǵdar siltedi.
Is-shara qorytyndysy boıynsha qatysýshylarǵa SDÝ rektory Qanat Qojahmet arnaıy sertıfıkattar tabystady.
