Shortanbaı aýylyndaǵy balyq zaýyty balyq qabyldaý jáne óńdeý isimen aınalysady. Zaýytta qaqtalǵan, keptirilgen balyq, balyq ónimderi, jartylaı fabrıkattar, shortan ýyldyryǵy daıyndalady. Mekemede 180-ge jýyq adam eńbek etedi, ónimder ishki naryqtan bólek alys-jaqyn shetelderge eksportqa shyǵarylady.
Aımaq basshysy mekemeni qaraý barysynda bıznes sýbektileri shyǵaratyn ónimderiniń kólemin arttyrý úshin memlekettik qoldaý sharalaryn paıdalana alatyndaryn atap ótti.
-Bizde kásipkerlerdi qoldaýǵa baǵyttalǵan sharalar, jaqsy memlekettik baǵdarlamalar qatary bar,-dedi Nurlan Noǵaev. -Memleket basshysy bıznesmenderge qolaıly jaǵdaı jasaý qajettiligine mańyz berip otyr. Memlekettik qoldaý sharalaryn paıdalana otyryp, kásipkerler shyǵaratyn ónimderiniń kólemin, sapasyn, eksporttyq áleýetin ulǵaıta alady.
Atyraý oblysynyń ákimi Isataı, Qurmanǵazy aýdandaryndaǵy zańsyz balyq aýlaýshylarǵa qarsy qoldanylatyn sharalarmen tanysty. Qurmanǵazy aýdanyndaǵy sý tasqynyna qarsy qorǵanys bógetiniń qurylysyn, qalpyna keltirý jumystaryn da nazarǵa aldy.
Nurlan Noǵaev jumys sapary qortyndysy boıynsha jaýapty tulǵalarǵa naqty tapsyrmalar berdi.
