«SMS-habarlama arqyly eń jıi suranystaǵy 4 qyzmetti alýǵa múmkindik beretin @EgovKzKenesBot Telegram-boty jumysyn bastap ketti. 4 qyzmettiń ishinde - mekenjaı anyqtamasy, basqa zańdy tulǵalarǵa jeke tulǵalardyń qatysy týraly anyqtama, sottalmaǵandyǵy týraly anyqtama, jyljymaıtyn múlkiniń bar-joǵy týraly anyqtama kiredi. Ony qoldaný úshin mobıldi azamattar bazasynda mindetti túrde tirkeýde bolý kerek. Iаǵnı, óz telefonyńyzdyń nómiri egov.kz portalynyń profıline bekitilýi tıis. Taıaýda qyzmetterdiń túrin kóbeıtý josparlanyp otyr. Sonymen birge, alynǵan anyqtamany telefonǵa saqtap qoıýǵa nemese e-mail arqyly joldaýǵa bolady», - dedi spıker.
Onyń aıtýynsha, jaqynda kompanııa egov.kz portalynyń redızaınyn jasaýdy qarastyryp otyr.
«Qazirgi dızaın 2012 jyly jasalǵan. Bir sózben, qazirgi zamannyń talaptaryna sáıkes kele bermeıdi. Qoldanýshymen keri baılanysty ustaný úshin portaldyń beta-nusqasy ázirlenip qoıǵan. Qoldanýshylar onda ózderiniń pikirlerin qaldyra alady», - deıdi Áset Turysov.
Ol sonymen birge, QR Ulttyq kýálandyrýshy ortalyǵynyń (pki.gov.kz) da saıty qaıtadan qaralatyndyǵyn aıtty.
