– Qazaq tilin qoǵamdaǵy laıyqty ornyna kóterip, mártebesin odan ári arttyrý ózekti másele. Táýelsizdik jyldary ana tilimizdi damytý jolynda edáýir oń ózgerister oryn aldy, osy úrdisti jalǵastyra berýimiz qajet. Qazaq tilin latyn álipbıine kóshirý boıynsha jumys jalǵasýda. Bul máni jaǵynan óte oryndy, zaman aǵymyna saı órkenıetti tańdaý. Jahandaný kóshine qosylǵan jastardyń álemdik tilderge, eń aldymen aǵylshyn tiline degen qyzyǵýshylyǵyn yntalandyrýdyń mańyzy zor.
Osylaısha álemdik úzdik tájirıbege, aldyńǵy qatarly jetistikterge jáne jahandyq kommýnıkasııalarǵa keńinen jol ashylatyn bolady. Ýaqyttyń talaby – osyndaı,- dedi Q.Toqaev.
Senat Tóraǵasynyń qazaq tiliniń qoǵamdaǵy rólin kóterý týraly pikirin qoldaǵan "Svetoch" slavıan etno-mádenı birlestiginiń tóraıymy R.Bıtkova "Memlekettik tildi bilmeı ózińdi táýelsiz eldiń erkin azamaty retinde sezinbeısiń.Tildi bilmeı halyqty tanı almaısyń. Biz jastardy ortaq otandaryn, tilin súıýge úıretýimiz kerek" dedi.
Sondaı-aq Senat Tóraǵasy jańa ıdeıalardy jas urpaq ákeletinin, jastardyń jalyny men darynynda ǵalamat kúsh-qýat bar ekenin aıta kelip, bolashaq óz halqynyń tarıhyn, salt-dástúri men mádenıetin qurmetteıtin ınnovasııaǵa beıim jańa býynnyń qolynda ekenin atap ótti.
