E.Ydyrysovtyń aıtýynsha eki el arasyndaǵy qatynastar 2013 jyly strategııalyq áriptestik deńgeıine jetip, jalpy 26 jyl boıy nyǵaıyp kele jatyr. Qos tarap ekonomıkalyq baılanystardy, saýda-ınvestısııalyq yntymaqtastyqty damytýǵa erekshe kóńil bólýde.
Ekijaqty saýda aınalymy turaqty ósip kele jatyr – 2017 jyldyń nátıjesinde bul kórsetkish ótken jyldyń kórsetkishimen salystyrǵanda 1,5%-ǵa ósip, 1,28 mlrd. AQSh dollaryn qurady. Qazaqstan aýmaǵynda brıtandyq qatysýmen 800-den astam zańdy tulǵalar, fılıaldar jáne ókildikter tirkelgen. Eń iri brıtandyq kompanııalar bedeldi qazaqstandyq bıznes-uıymdardyń, sonyń ishinde Qazaqstan Prezıdenti janyndaǵy Shetel ınvestorlar keńesiniń quramyna kiredi.
Ulybrıtanııa Qazaqstannyń eń iri saýda áriptesteriniń ondyǵyna kiredi jánesonymen qatar elimizdiń ekonomıkasyndaǵy iri sheteldik ınvestorlardyń arasynda altynshy orynǵa ıe. Sońǵy 13 jyldyń ishinde Ulybrıtanııadan tartylǵan tikeleı sheteldik ınvestısııalar 12 mıllıard AQSh dollardan asyp, osy kezeńde elimizge tartylǵan sheteldik ınvestısııalar jalpy kóleminiń 5%-yn qurady.
Birikken Koroldiktiń bıznes ókilderi arasynda aldymyzdaǵy «Astana» halyqaralyq qarjy ortalyǵynyń resmı ashylýy úlken qyzyǵýshylyq týdyrýda. Ortalyq óziniń resmı jumys tili retinde aǵylshyn tilin paıdalanbaq, jáne onyńqyzmeti brıtandyq quqyq qaǵıdattaryna negizdelgen bolady. AHQO-nyń quramyna kiretin sot jáne arbıtrajdyq organdarǵa halyqaralyq abyroıǵa ıe bedeldi brıtandyq zańgerler tóraǵalyq etedi.
Joǵary tehnologııalar men sıfrlyq ekonomıka baǵyttarynda damyǵan ekijaqty yntymaqtastyqtyń, sondaı-aq qarjy, aýyl sharýashylyq jáne kólik-logıstıka salalaryndaǵy birlesken jobalardyń áleýeti áldeqaıda joǵary.
Qazaqstan Birikken Koroldikpen strategııalyq áriptes retinde jan-jaqty yntymaqtastyqty odan ári damytýdy kózdeýde.
