«Biz qajetti epıdemıologııalyq jáne medısınalyq kómekti uıymdastyrý jumystaryn barsha óńirler boıynsha qamtydyq. О́tken aptada meniń buıryǵymmen arnaıy respýblıkalyq shtab quryldy, sonymen qatar ár oblystyń negizinde óńirlik shtabtar da jasaqtaldy. Biz kún saıyn barlyq aqparatty úılestiremiz», - dedi Birtanov Ortalyq kommýnıkasııalar qyzmetinde.
Onyń sózine qaraǵanda, elimizdegi normatıvtik quqyqtyq bazaǵa sáıkes, vaksınalaý týraly sheshimdi ınfeksııalar boıynsha ulttyq úılestirý konsýltatıvtik komıteti qabyldaıdy.
«О́tken aptada osy komıtettiń otyrysy ótti. Onyń quramyna barlyq ınfeksıonıster men epıdemıologtar kiredi. Olar vaksınalaý týraly sharalar qazir erte degen sheshim qabyldady. Sáıkesinshe, ekpelerdiń ulttyq kúntizbesine menıngıt boıynsha vaksınalaýdy engizýdiń qajettigi joq. Bul óz kezeginde tıimsiz bolady», - dedi vedomstvo basshysy.
Osy oraıda ol aýrýǵa shaldyqqandardyń sany búginde ortasha qadaǵalaý deńgeıinde ekenin atap ótti. E. Birtanovtyń aıtýynsha, menıngokk bakterııalarynyń túrleri úshin kóptegen vaksınalar bar. Jalpy, olardyń ekeýi paıdalanylyp keledi, qazirgi kezde onyń ishinde bireýi Qazaqstanda tirkelgen. Mınıstrdiń atap ótýinshe, vaksınalardy tirkeý farmasevtıkalyq kompanııalardyń ótinimi boıynsha iske asady. Qajet bolǵan jaǵdaıda, bul preparattar birden kirgizilip, vaksınalaý bastalady.
«Aýrýǵa shaldyǵýdyń eki kezeńi bar. 100 myń turǵynǵa shaqqanda aptasyna úsh oqıǵa tirkelse, shtabtardy qurý bastalady. Búginde bizde bul deńgeı eki esege tómen. Iаǵnı biz profılaktıkalyq, aldyn alý sharalaryn erte bastadyq. Vaksınalaý máselesi 100 myń adamǵa shaqqanda aýrýdyń 10 oqıǵasy tirkelgen kezde kóteriledi. Sáıkesinshe, aýrýǵa shaldyǵý deńgeıi jeti esege tómen. Sondyqtan vaksınalaý sharalary boıynsha másele kóterilgen joq», -dedi E. Birtanov.
Budan buryn habarlanǵandaı, mınıstr 2018 jyly Qazaqstanda menıngıtten 12 adam kóz jumǵanyn aıtty.
