Forýmnyń ashylý saltanatynda QR densaýlyq saqtaý vıse-mınıstri Alekseı Soı men Qazaqstan–Slovenııa bıznes klýbynyń prezıdenti Deıan Shtanser quttyqtaý sózin arnady.
Deıan Shtanser óz sózinde Slovenııanyń Eýropa ortalyǵynda ornalasqanyn jáne Avstrııamen, Italııamen, Majarstanmen jáne Horvatııamen shekaralasatynyn atap ótti. Bul Slovenııanyń Soltústik pen Ońtústik, Batys pen Shyǵys arasynda kópir ispettes ekenin bildiredi, eń mańyzdysy — munda ashyq teńizge jol ashyq. Sondaı-aq, Slovenııa EYDU, EEQ sekildi barlyq asa mańyzdy dúnıejúzilik uıymdardyń múshesi.
Kazakh Invest basqarýshy dırektory Erık Iаkýbaev, óz kezeginde, Qazaqstannyń ınvestısııalyq tartymdylyǵy týraly aıtyp, slovenııalyq bıznesmenderdi respýblıka óńirlerindegi ınvestısııalyq jobalardy qarastyryp kórýge shaqyrdy.
Budan ózge, forým barysynda slovenııalyq ınvestor Seven Refraktorıs, AHA Hyperbarics (HBOT) bas dırektory Pıter Kokal sóz sóıledi.
Forým qorytyndysy boıynsha Astanada Qazaqstan–Slovenııa bıznes klýbynyń ofısin ashý jáne tirkeý rásimi ótti.
