Aımaqtyq yntymaqtastyq – turaqtylyq kepili

Sharaǵa О́zbekstan men Tájikstan Respýblıkalarynyń Qazaqstandaǵy Tótenshe jáne ókiletti elshileri Saı­dıkram Nııaz­­hod­jaev pen Nazırmad Alı­zoda jáne Qazaqstan men О́z­be­k­stan­nyń sarapshylary men saıa­satshy mamandary qatysty. Jıyndy kitaphana dırektory­nyń orynbasary, saıası ǵylym­dar doktory, professor Ámir­han Rahymjanov ashyp, júrgizip otyrdy.

Bıylǵy jyldyń 15 naý­ryzyn­da Qazaqstanda О́zbek­­stan jylynyń ashylý sal­tanatyndaǵy sózinde Prezıdent Nursultan Nazarbaev bul sharany týysqan­dyq qatynasymyzdy kórsetetin naǵyz belgi dep ata­ǵanyn eske alǵan Á.Rahym­­janov eki halyqtyń dostyǵy men týys­tyǵynyń tereńde ekeni­ne toq­taldy. Odan ári ol osy jyldyń aıasyn­da bir­neshe sharanyń birlese ót­kizil­gen aıtty. Sonymen qatar eko­nomı­­ka­lyq qatynastar jandanyp, halyq­tary­myzdyń aralasýy arta túskeni jet­kizildi. Qazaqstan Respýblıkasynyń 2014-2020 jyldarǵa arnalǵan syrtqy saıa­sattaǵy tujyrymdamasyna sáıkes eli­mizdiń Ortalyq Azııa mem­leketterimen yn­ty­maq­tas­tyǵy syrtqy saıasat­tyń basym­ baǵyttarynyń biri, óıtkeni onda saýda-ekonomı­kalyq, kólik, ın­ves­tısııalyq, logıstıkalyq, ekolo­gııa­lyq, ǵylymı jáne t.b. árip­testikterdi da­my­­tý­dyń qýat­­ty áleýeti bar ekendigi aıtyldy.

Jıynda birinshi sóz О́zbek­stan­nyń Qazaqstandaǵy Tóten­she jáne ókiletti elshisi Saı­dıkram Nııazhodjaevqa beril­di. Elshi óziniń baıandamasyn «Ynty­maq­­tastyqty damytý – aımaqtaǵy tu­ra­q­tylyqty saqtaýdyń faktory: О́zbekstan tarapynyń kózqarasy» dep atapty. О́zbekstan Qazaqstan halqymen tatýkórshilik jáne dostyq qatynastardy joǵary baǵalaıdy. Bizdiń Prezıdenti­miz Shavkat Mırzııoev aıtqandaı, biz ózimizdiń jaqyn kórshilerimizben ashyq, meıirban jáne pragmatıkalyq saıasatty ustanýdan aýytqymaımyz. Bizdiń memleketterimizdiń basshylary ornatqan jańa qatynastar eki eldiń arasyndaǵy dostyq qatynastardy tereńdete túsý­de.

Bir jyldyń ishinde bolǵan alty kez­de­sýdiń ózi strategııalyq áriptestik qa­ty­nastarymyzdy jańa deńgeıge kóterdi, deı kelip elshi 2018 jyldyń «О́zbekstannyń Qazaqstandaǵy jyly» dep belgilenýine baılanysty «Jol kartasy» jasalǵanyn atap ótti. Onda tek mádenı-gýmanıtarlyq baǵyttyń ózinde 143 shara belgilengen. Olardyń birazy osy kúnge deıin iske asyrylyp úlgerdi, Qazaqstandaǵy barlyq halyqaralyq sharalarǵa О́zbekstan delegasııalary úzbeı qatysýda dedi ol. Sondaı-aq 22 mamyrda bolǵan bıznesmenderdiń aımaqtyq forýmyna О́zbekstan jaǵynan isker adamdar qatysyp, 62 mln AQSh dollary kólemindegi ekijaqty kelisimshartqa qol qoıylǵany aıtyldy.

Onyń aıtýynsha bıylǵy alǵash­qy toqsanda eki eldiń ara­syn­daǵy taýar aınalymy 570 mln AQSh dollary kólemine jetken. Jalpy jyl aıaǵyna deıin búgingi ósim saq­talsa, bul kórsetkishti 3 mlrd dol­lar­ǵa jetkizýge múmkindik bar.

Ekinshi sóz kezegi Tájikstannyń Qazaq­standaǵy elshisi Nazırmad Alızodaǵa berildi. Onyń baıandamasynda aımaqtyq yntymaqtastyqty arttyrýdaǵy Tájik­stan kózqarasy ortaǵa salyndy. Elshi óziniń sózinde terrorızm men ekstremızm, esirtkiniń zańsyz aınalysy sııaqty ortaq qaýipterge qarsy turýdaǵy kúsh biriktirýdiń mańyzdylyǵyna kóbirek toqtaldy. Bular syrtqy faktorlardyń aralasýymen de týyndaıtynyn jetkiz­gen elshi olarǵa birlesken kúshpen qar­sy turýdaǵy belsendilikti arttyrý qajet­tiligine nazar aýdardy. Sonymen birge ol sý-energetıka salasyndaǵy ıntegrasııalyq áriptestikterdi arttyrý da mańyzdy másele ekenin atap ótti.

Osydan keıin aımaqtyq yntymaqtas­tyqtyń problemalary men perspektıvalaryn zerttep júrgen mamandar sóz alyp, ózderiniń oılaryn ortaǵa saldy.

Jaqsybaı SAMRAT,

«Egemen Qazaqstan»