«AQSh-ǵy oqý-jattyǵý jıyndary kezinde aıaǵymnan jaraqat alyp qaldym. Negizi, kezekti kezdesýim 23 maýsym kúni ótýi tıis edi. Qarsylasym da belgili bolǵan. О́kinishke qaraı bul jekpe-jekti jankúıer qaýym kóre almaıtyn boldy. Endi, tolyq jaraqatymnan aıyǵyp alǵannan keıin rıngke qaıta oralamyn. Buıyrsa, eki aı kóleminde saýyǵyp ketermin. Janashyr jankúıerlerim jekpe-jegimdi asyǵa kútip júrgenin jaqsy bilemin», - dedi Qanat Islam.
Esterińizge sala keteıik, 23 maýsym kúni Qanat Islam 27 jastaǵy meksıkalyq Fernando Karkamomen (23-8, 18 KO) sharshy alańǵa shyǵýy tıis bolatyn. Jekpe-jek Los-Andjelestegi (AQSh, Kalıfornııa shtaty) Belasco Theatre oıyn-saýyq kesheninde ótedi jáne ol on raýndqa sozylady dep josparlanǵan. Endi Qanat Islamnyń jaraqat alýyna baılanysty bul jekpe-jek ótpeıtin boldy.
