Konferensııany О́zbekstandaǵy EQYU Jobalarynyń úılestirýshisi, О́zbekstan Respýblıkasy Olıı Májilisiniń Senaty jáne Birikken Ulttar Uıymy uıymdastyrdy.
Eki kúndik konferensııa ekstremızmge kúshteý jáne radıkaldanýdy boldyrmaý úshin jastardy tartý qajettigi týraly habardarlyǵyn arttyrý jáne saıası usynymdaryn ázirleýge baǵyttalady.
Konferensııaǵa halyqaralyq uıymdardyń basshylary, Ortalyq Azııa elderiniń memlekettik organdarynyń jáne ÚEU ókilderi, sarapshylar qatysty.
Abzal Núkenov «Ekstremızmge jáne terrorızmge kúshteýge qarsy is-qımyldaǵy memleket pen azamattyq qoǵamnyń yntymaqtastyǵy» paneldik sessııasynda sóz sóıledi jáne memleket pen dinniń ózara is-qımylynyń ózindik modelin qalyptastyrý boıynsha, Qazaqstandaǵy jastardyń damýy men áleýmettenýine jaǵdaı jasaý úshin júrgizilip jatqan jumys týraly aıtty.
«Jastardy jan-jaqty damýyna qolaıly jaǵdaı jasaýymyz qajet. Maqsatymyz – jastardy qoljetimdi bilimmen, jumyspen, sapaly bos ýaqyttaryn sapaly ótkizýdi qamtamasyz etý. Osy baǵytta tıisti keshendi jumys júrgizilýde», - dedi A. Núkenov.
Vıse-mınıstr Ortalyq Azııa elderi jastarynyń keńesin qurý múmkindigin qarastyrýdy usyndy.
«Qazirgitańda Ortalyq Azııa keńistiginde yntymaqtastyqty damytý jáne ortaq máseleler boıynsha birigip sheshim qabyldaýǵa jańa múmkindikter ashylýda. Jumysty júıeli júrgizýdiń tıimdi mehanızmderiniń biri retinde áriptesterge ártúrli sala ókilderinen quralatyn jastardy qamtıtyn Ortaazııalyq aımaq elderiniń Jastar keńesin qurý múmkindigin qarastyrýdy usynamyz. Keńes aıasynda biz ózekti máselelerdi, onyń ishinde ekstremızmniń jáne terrorızmniń aldyn alý máselelerin talqylaıalatyn edik», - dedi vıse-mınıstr.
Qatysýshylar jastar arasynda ekstremızmge jáne terrorızmge ákeletin radıkaldanýdyń aldynalý jáne oǵan qarsy is-qımyl boıynsha keshendi tásilderdi talqylap, dinı radıkalızmge qarsy kúreste jastardyń áleýetin tıimdi paıdalaný jóninde Ortalyq Azııa elderine arnalǵan usynymdar ázirledi.
Sonymen qatar, konferensııa barysynda О́zbekstan Respýblıkasy Olıı Májilisiniń senaty tóraǵasynyń orynbasary Sadyk Safaev, EQYU Bas hatshysy Tomas Gremınger, BUU Bas hatshysynyń jastar isi jónindegi ýákili Djaıatma Vıkramanaıake, BUU Kontrterrorıstik basqarma dırektory Jehangır Han, EO-nyń Ortalyq Azııa boıynsha arnaıy ókili Pıter Býrıan, О́zbekstan Respýblıkasy Prezıdentiniń jastar isi jónindegi memlekettik keńesshisi, О́zbekstan jastarynyń odaǵy Ortalyq keńesiniń tóraǵasy Kahramon Kýranbaev sóz sóıledi.
