Tanystyrylymǵa Qazaqstannyń ókiletti delegasııasy quramynda kitaptyń avtory Qazaqstan Prezıdenti Keńsesiniń bastyǵy, Qazaqstan Respýblıkasynyń Tuńǵysh Prezıdenti – Elbasy kitaphanasy dırektorynyń mindetin atqarýshy Mahmut Qasymbekov, Mádenıet jáne sport mınıstri Arystanbek Muhamedıuly, Qazaqstannyń Ázerbaıjan Respýblıkasyndaǵy Tótenshe jáne ókiletti elshisi Beıbit Isabaev, Halyqaralyq Túrki akademııasynyń prezıdenti, «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli, L.N.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov jáne taǵy basqalar qatysty.
Ázerbaıjan Respýblıkasy Prezıdenti Ákimshiliginiń basshysy Ramız Mehtıev kitaptyń tusaýkeser rásiminiń qarsańynda qazaqstandyq delegasııany qabyldady. Delegasııa músheleri uıymdastyrylǵan qabyldaýy úshin alǵys aıtyp, óz tarapynan Ázerbaıjan Demokratııalyq Respýblıkasynyń 100 jyldyǵymen jáne Geıdar Álıevtiń 95 jyldyǵymen quttyqtady.
Tusaýkeser rásimi Ázerbaıjannyń jetekshi ǵylymı jáne mádenı-bilim berý ortalyqtarynyń biri – Geıdar Álıev ortalyǵynda ótti. Ol 2006 jyly ázerbaıjan halqynyń ulttyq kóshbasshysy Geıdar Álıevtiń ıdeologııasy men memleket qurylysynyń fılosofııasyn irgeli zertteý úshin, sonymen birge ázerbaıjan tilin, mádenı, ulttyq jáne rýhanı qundylyqtaryn jan-jaqty damytý maqsatynda qurylǵan.
Tusaýkeser rásiminde Ázerbaıjan Respýblıkasy Prezıdentiniń kómekshisi Álı Gasanov, Ázerbaıjan Respýblıkasy Prezıdenti Ákimshiligi Qoǵamdyq-saıası máseleler jónindegi bólim meńgerýshisiniń orynbasary Taır Sýleımanov, Ázerbaıjan Ǵylym akademııasynyń prezıdenti Akıf Alızade, Ázerbaıjan Mıllı Májilisiniń depýtaty Djavanshır Feızıev, Ázerbaıjan Respýblıkasynyń Qazaqstandaǵy Tótenshe jáne ókiletti elshisi Rashad Mamedov, kitap aýdarmashysy Aıda Eıvazova, sheteldik dıplomattar, mádenıet jáne ǵylym ókilderi, sarapshylar, jýrnalıster, stýdentter qatysty.
Qazaqstan kóshbasshysy týraly jazylǵan ómirbaıandyq kitap oqyrmandar tarapynan joǵary baǵalandy. Is-shara qatysýshylarynyń ortaq pikiri boıynsha, kitaptyń ázerbaıjan tilindegi basylymy eki el arasyndaǵy rýhanı-mádenı baılanystardyń nyǵaıýyna laıyqty úles qosady.
Bul – atalǵan kitaptyń shetel tilindegi 11 basylymy. Osyǵan deıin ol aǵylshyn, nemis, fransýz, qytaı, arab, vengr, túrik, darı, serb, koreı tilderinde basyldy. Kitap Geıdar Álıev ortalyǵy, Qazaqstan Respýblıkasynyń Tuńǵysh Prezıdenti – Elbasy kitaphanasy jáne Halyqaralyq Túrki akademııasy arasyndaǵy yntymaqtastyq nátıjesinde jaryq kórip otyr.
«Egemen-aqparat»
