Oblysta jyl basynan beri 21 IT-tehnologııa kabınetteri ashyldy. Jyl aıaǵyna deıin olardyń sanyn 42-ge jetkizý josparlanyp otyr. Oblys basshysy aldaǵy eki jylda taǵy da jyl saıyn 20 kabınetten ashý kerektigin aıtty.
«Aýdan, qala ákimderi sıfrlandyrý jumystaryna, IT, robot tehnıkalary synyptaryn ashýǵa barynsha kóńil qoıýy kerek. Múmkindiginshe qarjyny osy iske baǵyttaǵan durys. Mundaı mańyzdy iste ýaqyt talabynan qalyp qoımaý úshin de qolǵa alǵan sharany tezirek júzege asyramyz» dedi Arhımed Begejanuly.
Sıfrlandyrý, oǵan jas urpaqty baǵyttaý jáne maman daıyndaý isin qazirden bastaý tek kabınetter ashýmen shektelip qalmaıdy. О́ńir basshysy Qostanaı qalasynda mektep oqýshylaryna, jastarǵa arnalǵan SMART-ortalyq salynatyny týraly málimdedi. Onyń orny 1000 sharshy metrdeı bolady, oǵan IT tehnologııa quraldarynyń 30 túri syıyp ketedi. Osy jańa qurylysty jobalaýǵa qazirdiń ózin de qarjy salyndy.
Arhımed Begejanulynyń aıtýynsha, 2020 jyly Qostanaıda sıfrlandyrý taqyrybyna shekaralyq oblystar forýmyn ótkizý josparlanǵan. Sol alqaly basqosý búgin jobalanyp jatqan SMART-ortalyqta ótetin bolady.
Názıra Járimbet,
«Egemen Qazaqstan»
Qostanaı
