Merıtokratııa – áleýmettik shyǵý tegine jáne qarjylyq jaǵdaıyna qaramastan bılik basyna eń qabiletti adamdar kelýi kerek degendi bildiretin qaǵıda. Jaqynda Oral qalasynda Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Batys Qazaqstan oblysy boıynsha Departamenti óńirde osy merıtokratııa qaǵıdalarynyń oryndalýy barysyna nazar aýdaryp, jıyn ótkizdi.
Dóńgelek ústel májilisine Batys Qazaqstan oblysyndaǵy memlekettik organdar men olarǵa qarasty uıymdar ókilderi, «Oral» áleýmettik kásipkerlik korporasııasy, «Kondensat» aksıonerlik qoǵamy, «Atameken» Ulttyq kásipkerler palatasy, Batys óńirlik telekomýnıkasııa dıreksııasy, Batys Qazaqstan oblystyq memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy, Batys Qazaqstan oblysynyń joǵary oqý oryndary ókilderi, depýtattar qatysty.
Semınar barysynda memlekettik kásiporyndardyń, ulttyq kompanııalardyń jáne bıýdjettik uıymdardyń kadrlyq saıasatyna merıtokratııa qaǵıdalaryn engizý máselesi talqylandy. Osy baǵyttaǵy is-sharalar jospary aıasynda memlekettik organdar men olarǵa qaraıtyn mekemelerde kelisim boıynsha atqarylyp jatyrǵan is-sharalar barysy týraly aıtyldy.
Jıynda sonymen qatar memlekettik kásiporyndar men ulttyq kompanııalardaǵy kadr saıasatyna merıtokratııa qaǵıdalaryn engizýdiń negizgi baǵyttary talqylandy.
Qazbek QUTTYMURATULY,
«Egemen Qazaqstan»
Batys Qazaqstan
