Sońǵy aptada ulttyq valıýta qaıta álsireı bastady. 17 maýsym kúni aıyrbastaý pýnktterinde amerıkalyq dollar 337-338 teńgege satylýda. Bul sońǵy eki aımen: sáýir aıynyń sońymen salystyrǵanda - 10 teńgege, mamyr aıynyń sońyna qaraǵanda 7-8 teńgege qymbat. Ulttyq bank muny maýsymdyq faktor retinde túsindirýde jáne sezilerlikteı táýekelderdiń joqtyǵyn qadap aıtýda.
«Sońǵy ýaqytta baıqalyp otyrǵan teńgeniń aıyrbas baǵamynyń bolmashy ǵana qubylýy, eń aldymen, demalystar maýsymyna baılanysty sheteldik valıýtaǵa suranystyń joǵarylaýynan bolyp otyr. Taǵy bir faktor - AQSh Federaldy rezervti júıesiniń mólsherlemeni arttyrýynda bolyp otyr. Osynyń nátıjesinde álemdik naryqta AQSh dollarynyń nyǵaıýy jáne damýshy naryqtardan kapıtaldardyń bolmashy ǵana jylystaýy baıqalýda», - delingen UB habarlamasynda.
Jyldyq ınflıasııa maqsatty dálizde tómendeýin jalǵastyrýda jáne mamyr aıynda 6,2% paıyzdy qurady. Jyl basynan beri qarqynnyń tómendeýi ınflıasııanyń barlyq quramdaýyshtary boıynsha tirkelýde - azyq-túlik jáne azyq-túlik emes taýarlarǵa, sondaı-aq halyqqa kórsetiletin qyzmetter boıynsha. «Eldegi ınflıasııalyq prosesterge yqpal etetin faktorlar - jaǵymdy. Inflıasııalyq boljamdar sondaı-aq tómendeı túsýde, mamyr aıynda atalmysh kórsetkish 6,0% qurady. Teńgeniń aıyrbas baǵamyna álemdik munaı naryǵy tarapynan jaǵymdy yqpal baıqalýda. Munaı baǵasy ortasha alǵanda, barreli úshin 70 AQSh dollar aınalasynda qalyptasýda. Osyǵan oraı eldiń tólemdik balansy jaqsara túsýde», - dep qosty Ulttyq bankten.
Qarjy naryǵyn retteýshi organ qazaqstandyqtardy teńge baǵamyna qatysty joǵary táýekelder men ınflıasııa deńgeıiniń ósimine baılanysty ártúrli aqparattarǵa senbeýge shaqyrady.
